Advertido un erro material no anuncio relativo á aprobación dos trámites para a adxudicación, por concurso aberto, das obras de urbanización do vial SG-V3 e glorietas pertencentes ós sistemas SG-V2 e SG-V4 de conexión coa C-533 e coa rúa do Rodo en Lalín, procédese á súa corrección do xeito seguinte:
Clasificación do contratista: para poder participar nesta licitación, as empresas deberán estar clasificadas da seguinte forma:
-Grupo G, subgrupo G-4, categoría E.
Lugar e prazo de presentación de proposicións: este anuncio publicarase no Diario Oficial de Galicia e no BOP. As proposicións presentaranse no rexistro xeral do concello, dentro do prazo de vinteseis días naturais, que comezará a contar a partir do día seguinte ó da publicación deste anuncio no BOP; en horario das 9 ás 14 horas e na forma establecida no prego de condicións. Se o último día do prazo fose festivo, este rematará o día hábil seguinte. As ofertas manteranse durante tres meses.
Lalín, 27 de marzo de 2003.
O alcalde accidental
Rubricado