A Comisión de Goberno, na sesión realizada o día 11 de marzo de 2003, adoptou o seguinte acordo:
Primeiro.-Aprobar definitivamente as bases e estatutos presentados pola Comisión Xestora do polígono H9.13 Antonio Ríos IV.
Segundo.-Aproba-lo proxecto de compensación presentado pola xunta de compensación do polígono H9.13 Antonio Ríos IV.
Terceiro.-Acepta-la cesión da parcela de cesión obrigatoria e incluíla no inventario municipal de bens tal e como se describe a continuación:
«Parcela de trescentos oitenta e catro metros con trinta centímetros cadrados de superficie total 384,30 m. Linda: norte, parcela A; sur, parcela B; leste, rúa Antonio Ríos e oeste, terreos destinados á prolongación da rúa Antonio Ríos», da que procede acepta-la cesión e incluíla no inventario municipal de bens.
Cuarto.-Requirir á Comisión Xestora do polígono H9.13 Antonio Ríos IV para que ingrese na caixa municipal en concepto de taxa pola tramitación do expediente a cantidade de cento trinta e catro con nove euros, cantidade que haberá de ingresar no prazo dun mes contado a partir da notificación do presente acordo.
O que se fai público para xeral coñecemento indicando que, contra este acordo, cabe interpoñer recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia no prazo de dous meses contados desde o día seguinte ó da súa notificación. Non obstante, pode interpoñer recurso potestativo de repo
sición ante a Comisión de Goberno no prazo dun mes e contra a súa desestimación poderá interpoñer recurso contencioso-administrativo ante o TSXG, no prazo de dous meses, se a resolución fose expresa, e noutro caso no de seis meses contados desde a desestimación presunta do recurso de reposición, isto é a partir do mes de telo interposto.
A Coruña, 18 de marzo de 2003.
P.D.
Salvador Fernández Moreda
Concelleiro delegado de Urbanismo