A Comisión de Goberno na sesión do 12 de marzo de 2003, aprobou a forma de adxudicación, mediante concurso, para executa-las obras de saneamento e abastecemento no núcleo de Castelo de Abaixo e saneamento e abastecemento nos núcleos de Anguieiro e Paredes (parroquia de Santo André de
Castro). Por medio deste anuncio dáse a coñece-la licitación consonte as seguintes características:
1. Entidade adxudicadora.
a) Organismo: Concello de Lugo.
b) Dependencia que tramita o expediente: Servicio de Contratación e Asuntos Xerais.
2. Obxecto do contrato.
a) Descrición do obxecto: a execución das obras anteriormente sinaladas.
b) Prazo de execución: seis meses. Non obstante, o prazo será o ofrecido na proposición do adxudicatario.
3. Tramitación, procedemento e forma de adxudicación.
a) Tramitación: ordinaria.
b) Procedemento: aberto.
c) Forma: concurso.
4. Orzamentos base de licitación.
-Saneamento e abastecemento no núcleo de Castelo de Abaixo, por importe de 303.915,22 euros.
-Saneamento e abastecemento nos núcleos de Anguieiro e Paredes (parroquia de Santo André de Castro), por importe de 278.233,26 euros. Non obstante o prezo do contrato será o ofrecido polo adxudicatario na súa oferta.
5. Garantías.
Provisional: o 2% do orzamento de licitación (6.078,30 euros e 5.564,67 euros respectivamente).
6. Obtención de documentación e información.
a) Entidade: Concello de Lugo, Servicio de Contratación e Asuntos Xerais.
b) Domicilio: Ronda da Muralla, 197.
c) Localidade e CP: Lugo, 27002.
d) Teléfonos: 982 29 71 86, 29 71 43.
e) Telefax: 982 29 72 59.
f) Data límite de obtención de documentos e información: ata o remate do prazo de presentación de proposicións.
7. Requisitos específicos do contratista.
a) Clasificación: grupo E, subgrupo 1, categoría c) para ámbalas dúas obras.
b) Outros requisitos: os sinalados no prego de cláusulas.
8. Presentación de ofertas ou das solicitudes de participación.
a) Data límite de presentación: 26 días naturais seguintes ó da publicación deste anuncio no Diario Oficial de Galicia.
b) Documentación que hai que presentar: a que figura na cláusula novena do prego de cláusulas administrativas.
c) Lugar de presentación:
1ª Entidade: Concello de Lugo, oficina de rexistro ou ben nos lugares legalmente establecidos.
2ª Domicilio: Ronda da Muralla, 197.
3ª Localidade e código postal: Lugo, 27002.
9. Apertura das ofertas.
a) Entidade: Concello de Lugo.
b) Domicilio: Ronda da Muralla, 197 (3ª planta).
c) Localidade: Lugo.
d) Data: o cuarto día hábil (agás sábado ou festivo) posterior ó remate do prazo de presentación das proposicións.
10. Outras informacións: as que se recollen no prego de cláusulas administrativas particulares.
11. Gastos dos anuncios: 815,04 euros que serán por conta do contratista adxudicatario.
Lugo, 21 de marzo de 2003.
P.D.
Fernando X. Blanco Álvarez
Tenente-alcalde delegado da Área de Economía