Con data 27 de xaneiro de 2003, a delegada provincial da Consellería de Sanidade da Coruña dictou resolución do expediente sancionador nº 217/2002 PLA incoado na Delegación Provincial da Consellería de Sanidade da Coruña a Dorian Peluqueros, S.L.
Intentada a notificación deste acordo segundo o disposto no artigo 59 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro, e non sendo posible a súa práctica, por medio desta cédula, e segundo o disposto no número 5 do referido artigo, notifícaselle a Dorian Peluqueros, S.L. o contido da referida resolución que figura como anexo, para que poida ter coñecemento da mesma.
Así mesmo, fáiselle sabe-lo dereito que o asiste para interpor recurso de alzada ante o conselleiro de Sanidade no prazo dun mes, a contar desde o seguinte á publicación desta cédula, segundo establece o artigo 115 da Lei 30/1992, do 26 de novembro, lembrándolle o seu dereito a consulta-lo expediente, depositado nas dependencias desta delegación, sita na rúa Gregorio Hernández, 2-4, A Coruña e obter, se é o caso, copia del, segundo o previsto na letra a) do artigo 35 da citada Lei 30/1992, do 26 de novembro.
En caso de conformidade con esta resolución, deberá facer efectiva a multa no prazo de 15 días hábiles, mediante ingreso que debe efectuar en calquera oficina de Caixa Galicia cta. contable 840. Código 001 ou na Caixanova Recadación Xunta: modelo XTAX e, empregando os impresos norma
lizados que lle serán facilitados nas dependencias desta delegación provincial. O pagamento voluntario porá fin ó expediente. De non facelo así, procederase ó seu cobramento pola vía de constrinximento.
Esta cédula expídese para que conste e lle sirva de notificación ó interesado, en cumprimento co disposto no artigo 59.5º da Lei 30/1992, do 26 de novembro.
A Coruña 27 de febreiro de 2003.
Mª Blanca García Varela
Delegada provincial da Coruña
ANEXO
Nº expediente 217/2002 PLA.
Denunciado: Dorian Peluqueros, S.L.
Último enderezo coñecido: San Pedro de Mezonzo, 17 (entrechán). Santiago de Compostela.
Feito imputado: realizar actividades sanitarias sen contar coa correspondente autorización sanitaria. Facer publicidade de tratamento con Botox.
Preceptos infrinxidos: art. 35.A.3 da Lei 14/1986, xeral de sanidade; arts. 3 e 6.1º do R.D. 77/2001, sobre centros, servicios e establecementos sanitarios da Comunidade Autónoma de Galicia; art. 108 a) 15 da Lei do medicamento, Lei 25/1990; arts. 4 e 22 do R.D. 1416/1994, polo que se regula a publicidade dos medicamentos de uso humano e art. 1.1º do R.D. 1907/1996, polo que se aproba o Regulamento de publicidade, promoción comercial dos productos, actividades e servicios con pretendida finalidade sanitaria.
Tipificación: leve.
Sanción imposta: 3.005,06 euros. Tres mil cinco euros con seis céntimos.