Jaime Balado Yáñez, secretario xudicial do Xulgado do Social número dous da Coruña, dou fe e testemuño nos autos seguidos perante este xulgado do social, tramitados baixo o número 600/2002, contra empresa Lider Sport Ediciones, S.L. sobre reclamación de cantidade, dictouse a seguinte sentencia:
«Sentencia.
A Coruña, 27 de febreiro de 2003.
Jorge Hay Alba, maxistrado-xuíz do Xulgado do Social número dous desta cidade, viu os presentes autos de xuízo número 600/2002, seguidos por instancia de María José Vilas Cancela e Ramiro Freire Sánchez, maiores de idade, asistidos polo letrado José Páramo Sureda, contra a empresa Lider Sport Ediciones, S.L., Fondo de Garantía Salarial, que non compareceron en autos, sendo o obxecto da reclamación de salarios.
Seguen feitos e fundamentos xurídicos.
Decido que estimando a demanda interposta polos demandantes Mª José Vilas Cancela e Ramiro Freire Sánchez, contra a empresa Lider Sport Ediciones, S.L., condeno a demandada a aboar 4.552,20 euros a favor de María José Vilas Cancela e 2.021,84 euros a favor de Ramiro Freire Sánchez polos conceptos reclamados na demanda.
Notifíqueselles esta resolución ás partes, ás que se lles fará saber que contra a referida só cabe recurso de suplicación ante o Tribunal Superior de Xustiza de Galicia, anunciándose ante este xulgado no prazo de cinco días contados a partir da notificación desta sentencia, e no propio termo, se o recorrente non goza do beneficio da xustiza gratuíta, deberá, ó anuncialo, entrega-lo xustificante acreditativo de consignación da cantidade de 150,25 euros na conta de depósitos e consignacións que este xulgado ten aberta no Banesto desta cidade, co número de conta 0030-6349-0000-5603, clave 65, facendo constar no ingreso o número do expediente.
Así, por esta miña sentencia, definitivamente xulgando en primeira instancia, pronúncioo, mándoo e asínoo».
E para que sirva de notificación á empresa Lider Sport Ediciones, S.L., que ten o seu enderezo descoñecido, mediante a súa publicación no Diario Oficial de Galicia, expido e asino esta cédula na Coruña, 28 de febreiro de 2003.
O secretario xudicial
Rubricado