Non sendo atopado no enderezo coñecido, e logo de ser devolto en dúas ocasións polo servicio de correos, resolvo notificar por este medio, de conformidade co disposto polo artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, a resolución do expediente disciplinario número 27/01-M incoado ó facultativo Carlos Iván Manrique Argüelles.

Así, fáiselle saber que, con data do 22 de xaneiro de 2003, o secretario xeral da Consellería de Sanidade asinou a resolución do expediente disciplinario 27/01-M no que resolve o seguinte:

Primeiro.-Que se impoña a Carlos Iván Manrique Argüelles a sanción de suspensión de emprego e soldo dun mes, como autor dunha falta grave tipificada no artigo 66.3º b) do Estatuto xurídico do persoal médico da Seguridade Social.

Segundo.-Que se impoña a Carlos Iván Manrique Argüelles a sanción de suspensión de emprego e soldo de cinco días, como autor dunha falta grave tipificada no artigo 66.3º g) do Estatuto xurídico do persoal médico da Seguridade Social: «As faltas de respecto cos superiores, compañeiros, subordinados e público».

Terceiro.-Que se impoña a Carlos Iván Manrique Argüelles a sanción de suspensión de emprego e soldo de vinte días, como autor dunha falta grave tipificada no artigo 66.3º l) do Estatuto xurídico do persoal médico da Seguridade Social: «... e aqueloutros (actos) que atenten á propia dignidade do seu autor».

Cuarto.-Que se impoña a Carlos Iván Manrique Argüelles a sanción de suspensión de emprego e soldo de vinte días, como autor dunha falta grave tipificada no artigo 66.3º l) do Estatuto xurídico do persoal médico da Seguridade Social: «E en xeral, os (actos) que revelen un grao de neglixencia inescusable que causen prexuízo para a asistencia médica ...».

Quinto.-Que se impoña a Carlos Iván Manrique Argüelles a sanción de suspensión de emprego e soldo de cinco días, como autor dunha falta grave tipificada no artigo 66.3º g) do Estatuto xurídico do persoal médico da Seguridade Social: «As faltas de respecto cos superiores, compañeiros, subordinados e público».

As sancións enumeradas nos parágrafos anteriores son impostas baseándose na aplicación do artigo 67.1º c) en relación co artigo 68.2º do Estatuto xurídico do persoal médico da Seguridade Social, en virtude do principio de proporcionalidade entre o ilícito cometido e a sanción imposta e adaptadas á múltiple xurisprudencia.

A referida resolución non pon fin á vía administrativa, podéndose interpoñer contra esta recurso de alzada perante o conselleiro de Sanidade, no prazo dun mes contado dende o día seguinte ó da publicación desta notificación, tal como establecen os artigos 114 e 115 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro.

Santiago de Compostela, 28 de febreiro de 2003.

Manuel Antonio Silva Romero

Secretario xeral do Consellería de Sanidade