Aprobado por decreto da Alcaldía, do 21 de marzo de 2003, o expediente de contratación, incluídos os pregos de cláusulas administrativas particulares-técnicas que rexerán o concurso para adxudica-los servicios de recollida selectiva e transporte de residuos (envases lixeiros), localización ou relocalización, limpeza e mantemento dos contedores do concello da Guarda, que se expoñen ó público durante oito días, contados a partir do seguinte ó da publicación deste anuncio no Diario Oficial de Galicia, para que poida presentar reclamacións quen se considere interesado.

Simultaneamente, anúnciase o concurso aínda que se aprazará a licitación, se resultara necesario, por formularse reclamacións contra os pregos.

-Entidade adxudicadora.

Concello da Guarda; praza do Reló, s/n, 36780. Teléfono: 986 61 00 00. Fax: 986 61 02 83.

-Obxecto do contrato.

Adxudica-los servicios de recollida selectiva e transporte de residuos (envases lixeiros), localización ou relocalización, limpeza e mantemento dos contedores do concello da Guarda.

-Tipo de licitación.

O orzamento de licitación do contrato fíxase en 98.804,24 euros.

-Modalidade de adxudicación.

Concurso público, procedemento aberto, tramitación urxente.

-Garantías.

Definitiva: 4% do orzamento.

-Exame do expediente.

Os licitadores poderán examina-lo expediente na secretaría xeral do concello, das 9 ás 13 horas, excepto sábados e festivos e ata o día anterior ó do remate do prazo de presentación de proposicións.

-Presentación de proposicións.

No rexistro xeral do concello, dentro do prazo de oito días naturais, contados a partir do día da última publicación deste anuncio no Diario Oficial de Galicia das 9 ás 13 horas e de luns a venres, na forma sinalada na cláusula décimo sétima do prego de cláusulas administrativas-técnicas. Se o último día de presentación de ofertas fose inhábil, prorrogarase ata o día hábil seguinte.

-Apertura de proposicións.

A apertura terá lugar ás 13 horas do día hábil seguinte ó sinalado como último para a presentación de proposicións (para estes efectos o sábado considerarase inhábil).

-Gastos de anuncios.

Por conta do adxudicatario.

A Guarda, 21 de marzo de 2003.

José Luis Alonso Riego

Alcalde