Ó non seren atopados no enderezo coñecido por esta delegación provincial os titulares das empresas que se indican a continuación, resolvo notificar por este medio, ó amparo do artigo 59.5º da Lei 30/1992, que se inicia o prazo de dez días, a partir do día seguinte á súa publicación no DOG, durante o que poderán exerce-lo dereito de audiencia do expediente, logo da resolución nesta delegación provincial de Asuntos Sociais, Emprego e Relacións Laborais da Coruña, todo isto segundo o establecido no artigo 18.2º do R.D. 928/1998, do 14 de maio.
Expediente nº: 863/2002.
Acta infracción nº 1610/2002.
Empresa: Hostelerías Garfrei, S.C.
NIF/DNI: G-15821069.
Enderezo: avda. Souto Vizoso, 6 (Narón).
Materia: seguridade e hixiene.
Proposta de sanción: 1.502,54 A.
Resumo da acta de infracción:
Con data do 16-7-2002 visitouse a empresa da referencia, entregándose citación ó responsable para que con data do 19-7-2002 presente determinada documentación, entre ela a avaliación inicial de riscos laborais. Na data sinalada non comparece nin achega documentación. Cítase novamente a empresa mediante acta de obstrucción para achega-la documentación solicitada o día 18-9-2002. A empresa non achega nin xustifica a elaboración da avaliación de riscos.
Vulnéranse os artigos 5.2º do R.D.L. 1/1995, do 24 de marzo; artigos 14, 15 e 16 da Lei 31/1995 e artigos 3, 4, 5 e 6 do R.D. 39/1997.
Falta grave en grao mínimo, tipificada e sancionable de conformidade cos artigos 12.1º e 39 e 40, respectivamente, do R.D.L. 5/2000, do 4 de agosto.
Documentos que constan nos expedientes:
-Actas de infracción.
-Xustificantes das notificacións.
A Coruña, 13 de febreiro de 2003.
Elisa Madarro González
Delegada provincial da Coruña