En cumprimento do disposto no artigo 5º do Decreto 442/1990, do 13 de setembro, de avaliación do impacto ambiental para Galicia, faise pública a Resolución do 13 de xaneiro de 2003 da Dirección Xeral de Calidade e Avaliación Ambiental pola que se modifica a declaración de impacto ambiental do proxecto de Parque Eólico Chantada, no concellos de Chantada (Lugo) e Rodeiro (Pontevedra), promovido pola empresa Elecnor, S.A., que se transcribe como anexo a esta resolución.
Santiago de Compostela, 17 de febreiro de 2003.
Ramón Ordás Badía
Director xeral de Industria, Enerxía e Minas
Con data 25 de xaneiro de 2002, a Dirección Xeral de Calidade e Avaliación Ambiental formulou a declaración de impacto ambiental (DIA) do parque eólico de referencia, modificada posteriormente por
resolucións do 29 de agosto e 13 de decembro de 2002.
Mediante escrito con data de entrada na Dirección Xeral de Industria, Enerxía e Minas do 19 de xuño de 2002, o promotor solicitou declaración de utilidade pública, autorización administrativa e aprobación do proxecto modificado do Parque Eólico Chantada, que xunto cos denominados Monte Cabeza, Farelo e Penas Grandes constitúen o aproveitamento eólico integral das serras do Faro e Farelo, promovido por Elecnor, S.A.
A modificación do proxecto consiste no cambio de modelo de aeroxerador, que pasa de ter unha potencia unitaria de 1.300 kW a 1.600 kW, co conseguinte aumento da potencia total instalada, que pasa de 39 a 48 MW. Así mesmo, elimínanse 20 aeroxeradores no Parque Eólico Farelo, co obxecto de non supera-la potencia total asignada ó dito aproveitamento eólico integral.
Á marxe deste cambio de modelo de aeroxerador, non se atoparon modificacións na planta final do parque en relación ás xa informadas favorablemente por esta dirección xeral no oficio de data de saída 2 de setembro de 2002, e recollidas na resolución desta dirección xeral de data 29 de agosto de 2002, pola que se modifica a declaración de impacto ambiental do referido parque eólico.
O proxecto modificado foi sometido polo órgano substantivo a información pública mediante Resolución do 6 de setembro de 2002, publicada no Diario Oficial de Galicia con data 30 de setembro de 2002.
Recibido informe da Dirección Xeral de Industria, Enerxía e Minas sobre os resultados do trámite de información pública, así como tendo en conta as mencionadas resolucións do 29 de agosto e 13 de decembro de 2002 e o indicado no oficio desta Dirección Xeral de Calidade e Avaliación Ambiental de data 13 de xaneiro de 2002, e non concorrendo outras circunstancias a efectos ambientais, resulta necesario proceder novamente á modificación da DIA do parque, co obxecto de reflecti-lo ámbito resultante do dito proxecto modificado.
En consecuencia, esta Dirección Xeral de Calidade e Avaliación Ambiental resolve establece-la modificación da DIA do Parque Eólico Chantada nos termos que a continuación se indican:
No punto 1.-Ámbito da declaración, o primeiro parágrafo substitúese polo seguinte:
Esta declaración refirese en exclusiva ó proxecto denominado Parque Eólico Chantada. Proxecto modificado, que consiste na instalación e explotación dun parque eólico de 48 MW de potencia total, nos concellos de Chantada (Lugo) e Rodeiro (Pontevedra), constituído por 30 aeroxeradores de 1.600 kW de potencia unitaria, dispostos en varias aliñacións na serra de O Faro, dentro do polígono definido polas seguintes coordenadas UTM.
