Para os efectos previstos na Lei 54/1997, do 27 de novembro (BOE nº 285), do sector eléctrico, e no título VII do Real decreto 1955/2000, do 1 de decembro (BOE nº 310), sobre autorización de instalacións de enerxía eléctrica, sométese a información pública a petición de autorización administrativa e a aprobación do proxecto de execución da instalación eléctrica que se cita:
Solicitante: Endesa Distribución Eléctrica, S.A.
Domicilio social: Príncipe de Vergara, nº 187, Madrid.
Denominación: ampliación posición de liña 132 kV Pena da Loba en subestación Tesouro.
Situación: As Pontes de García Rodríguez (A Coruña).
Características técnicas: ampliación da posición de liña 132 kV Pena da Loba en subestación Tesouro consistente en:
-Cinco seccionadores trifásicos: de liña con posta a terra, de by pass, de illamentos e dous motorizados de barras I e II, de 2.000 A.
-Interruptor automático de 145 kV e 3.150 A.
-Catro transformadores de intensidade.
-Aparellaxe para protección, sinalización, telemando e medida.
Todas aquelas persoas ou entidades que se consideren afectadas poderán examina-lo expediente e presenta-las súas alegacións nesta delegación provincial, sita no edificio administrativo de Monelos, s/n, 15071 A Coruña, no prazo de vinte días, a partir da última publicación.
A Coruña, 13 de marzo de 2003.
Jesús Espada Martínez
Delegado provincial da Coruña