Eu, Jaime Balado Yáñez, secretario xudicial do Xulgado do Social número dous da Coruña, dou fe e testemuño nos autos seguidos perante este Xulgado do Social, tramitados baixo o número 275/2002, contra a empresa Interpesco, S.A. sobre incapacidade e complemento salarial, dictouse a seguinte sentencia:
«A Coruña, 14 de xaneiro de 2003.
Jorge Hay Alba, maxistrado-xuíz do Social número dous desta cidade, viu os presentes autos de xuízo número 275/2002, seguidos por instancia de Miguel Borja Camacho, maior de idade, asistido pola letrada Carmen Garrido Dalmau, contra a empresa Interpesco, S.A., que non compareceu nos autos, sendo o obxecto da reclamación, incapacidade e complemento salarial.
Seguen feitos e fundamentos xurídicos.
Decido que debo estimar e estimo a demanda interposta por Miguel Borja Camacho, e debo condenar
e condeno á empresa Interpesco, S.A. a que lle aboe ó demandante a cantidade de 30.787,65 euros máis xuros legais correspondentes desde o 9-4-2002.
Notifíqueselles esta resolución ás partes, ás que se lles fará saber que contra a referida só cabe recurso de suplicación ante o Tribunal Superior de Xustiza de Galicia, anunciándose ante este xulgado no prazo de cinco días contados a partir da notificación desta sentencia, e no propio termo, se o recorrente non goza do beneficio da xustiza gratuíta deberá, ó anuncialo, entrega-lo xustificante acreditativo de consignación da cantidade de 150,25 euros na conta de depósitos e consignacións que este xulgado ten aberta no Banesto desta cidade, co número de conta 0030-6349-0000-5603, clave 65, facendo constar no ingreso o número do expediente.
Así, por esta miña sentencia, definitivamente xulgando en primeira instancia, pronúncioo, mándoo e asínoo».
E para que sirva de notificación á empresa Interpesco, S.A., que ten o seu enderezo descoñecido, mediante a súa publicación no Diario Oficial de Galicia, expido e asino esta cédula na Coruña o 19 de febreiro de 2003.
O secretario xudicial
Rubricado