Agustín Ignacio Pena López, secretario do Xulgado do Social número un da Coruña, fago saber que nos autos número 499/2002 seguidos por instancia de María de la Iglesias contra Speed Impresoras, S.L. e outros sobre diferencias da base reguladora das prestacións de viuvez e orfandade, a maxistrada-xuíza deste xulgado, Isabel Olmos Parés, dictou auto de aclaración de sentencia, con data do 14 de febreiro de 2003, coa seguinte parte dispositiva:
SSª resolve: que procede rectificar e aclara-la sentencia recaída en autos na que procede engadir: «e debo condenar e condeno á empresa Speed Impresoras, S.L. a facerse cargo da pensión recoñecida ó demandante pola diferencia entre a recoñecida na sentencia e a recoñecida pola Seguridade Social, sen prexuízo da obriga de anticipo pola entidade xestora.
En contra desta resolución caben os mesmos recursos que en contra da sentencia que se rectifica e aclara.
Así acordouno e asina Isabel Olmos Parés, maxistrada-xuíza do Xulgado do Social número un da Coruña».
E para que lle sirva de notificación á empresa Speed Impresoras, S.L. que tivo o seu último enderezo
coñecido en polígono de Pocomaco, D-2, nave 4, Mesoiro, 15190 A Coruña, e que na actualidade se descoñece, e co fin da súa publicación no Diario Oficial de Galicia, expido e asino este edicto na Coruña o 14 de febreiro de 2003.
O secretario xudicial
Rubricado
CONSELLERÍA DA PRESIDENCIA, RELACIÓNS INSTITUCIONAIS
E ADMINISTRACIÓN PÚBLICA