O Pleno do Concello de Santiago de Compostela, na sesión ordinaria do día 27 de febreiro de 2003, acordou inicia-lo expediente de expropiación, con ocupación urxente, dos bens e dereitos necesarios para a execución do proxecto técnico de expropiación para a execución do proxecto constructivo, actuación en Santiago de Compostela saída de Noia.

En cumprimento do disposto no artigo 56 e seguintes do Regulamento de expropiación forzosa, o concello expón ó público o dito proxecto de expropiación, co fin de que, no prazo de quince días, a contar desde o día seguinte ó da última públicación deste anuncio no BOP, no Diario Oficial de Galicia e na prensa local ou desde a notificación individual, se esta fose posterior, os interesados poidan formula-las alegacións que consideren oportunas.

Este edicto servirá de notificación, nos termos do artigo 59.4º da Lei de réxime xurídico das administracións públicas e do procedemento administrativo común, para tódolos afectados que, por resultaren descoñecidos ou ignorándose o seu domicilio, non poidan ser citados persoalmente ó trámite de información pública.

Santiago de Compostela, 17 de marzo de 2003.

Xosé A. Sánchez Bugallo

Alcalde

Relación de parcelas e propietarios

Termo municipal: Santiago de Compostela.

Situación: saída de Noia.