Intentadas as notificacións directas ás empresas operadoras e ós titulares dos establecementos, en relación cos expedientes sancionadores en materia de xogo, que se relacionan na folla anexa, e ó non poder efectuarse, a Dirección Xeral de Interior e Protección Civil resolve, ó amparo do previsto no artigo 59.5º da Lei 30/1992, de réxime xurídico das administracións públicas e do procedemento administrativo común, proceder á notificación da dita resolución mediante a publicación no Diario Oficial de Galicia.

Contra estas resolucións que esgotan a vía administrativa, poderán os interesados interpoñer, recurso potestativo de reposición ante o mesmo órgano que as dictou, no prazo dun mes contado a partir do día seguinte ó da notificación desta resolución, de acordo co disposto nos artigos 116 e 117 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro, ou recurso contencioso-administrativo, as moi graves, perante a Sala do Contencioso-Administrativo do Tribunal Superior de Xustiza de Galicia e as moi graves perante o xulgado do contencioso-administrativo correspondente no prazo de dous meses, contado a partir do día seguinte ó da notificación desta resolución, de acordo co disposto no artigo 46 da Lei 29/1998, do 13 de xullo, reguladora da xurisdicción contencioso-administrativa.

Comunícaselle os interesados que teñen un prazo de quince días hábiles, contados desde o seguinte ó da publicación desta resolución, para efectua-lo seu pagamento en período voluntario sinalado no boletín de multas e sancións á súa disposición nas dependencias das delegacións provinciais da Consellería de Xustiza, Interior e Administración Local, a favor do Tesouro da Facenda Galega, na conta restrinxida que consta no devandito boletín facendo consta-lo número do expediente sancionador. De non efectua-lo pagamento dentro do prazo establecido, procederase á súa execución por vía de constrinximento, de conformidade co establecido na disposición segunda da orde da Consellería de Economía e Facenda do 23 de novembro de 2001 (DOG do 5 de decembro).

Santiago de Compostela, 10 de marzo de 2003.

José Benito Suárez Costa

Director xeral de Interior e Protección Civil