De conformidade co disposto nos artigos 48.1º da Lei de expropiación forzosa do 16 de decembro de 1954, e 48.2º, 49, 50 e 51 do seu regulamento do 26 de abril de 1957, esta delegación acorda sinala-lo día 31 de marzo de 2003, a partir das 11 horas, para que o pagador da entidade beneficiaria Sotavento Galicia, S.A., proceda nas oficinas da Casa do Concello de Monfero ós pagamentos do prezo xusto e xuros, por expropiación e imposición de servidumes de paso, sobre bens e dereitos afectados polas instalacións do parque eólico Sotavento en Serra do Candieiro e Serrón do Logo, Monfero (expediente nº 13/1998), ós interesados propostos pola citada empresa como titulares dos predios afectados por este proceso expropiatorio, ós que se lles dirixirá notificación individual para o efecto.

Canta información se demande para o efecto, atenderá a Troche Acosta, teléfono 981 23 45 11, por conta Sotavento Galicia, S.A., como beneficiaria do expediente de expropiación.

Esta publicación realízase igualmente para os efectos do artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, cando os

titulares dos predios propostos sexan descoñecidos ou se ignore o lugar de notificación; e así dirixir ó ministerio fiscal as dilixencias que se produzan destes, de conformidade co artigo 5º da citada Lei de expropiación forzosa.

A Coruña, 12 de febreiro de 2003.

Jesús Espada Martínez

Delegado procincial da Coruña