Para os efectos previstos no artigo 28 do regulamento para a execución da Lei 13/1989, do 10 de outubro, de montes veciñais en man común, o Decreto 260/1992, do 4 de setembro, e de conformidade co disposto no artigo 60.1º da Lei 30/1992, do 26 de novembro, de réxime xurídico das administracións públicas e do procedemento administrativo común, faise público que o Xurado Provincial de Montes Veciñais en Man Común de Lugo, na sesión que tivo lugar o 12 de decembro de 2002 na sala de xuntas da delegación provincial da Consellería de Medio Ambiente, baixo a presidencia do delegado provincial da Consellería de Medio Ambiente, e coa asistencia dos vocais Manuel Martínez Garrido, Emilio Sánchez Coto, José Antonio Illán Torrón, Manuel Veiga Franco e do secretario en funcións Ángel Rodríguez González, dictou a resolución de clasificar como veciñais en man común os seguintes montes:
-Expediente número 1/2002.
Denominación: monte da Lama.
Pertenza: veciños do lugar da Lama.
Parroquia: Noceda.
Concello: Cervantes.
Superficie total: 112 hectáreas.
Estremas da parcela nº 1 (14 hectáreas):
Norte: co monte veciñal en man común de Noceda (expediente 21/1982), pertencente ós veciños do lugar de Noceda da parroquia de Noceda, polo texo de Folgueiroa. Leste e sur: co monte veciñal en man común Madredagua e Brañanova (expediente 8/1983), pertencente ós veciños do lugar de Vila
nova do Pedregal da parroquia de Noceda. Oeste: con predios particulares.
Estremas da parcela nº 2 (1,8 hectáreas):
Norte, leste, sur e oeste: con predios particulares (quedan excluídas da clasificación desta parcela dous predios propiedade particular de Manuel Álvarez e Manuel Rodríguez).
Estremas da parcela nº 3 (1,2 hectáreas):
Norte e sur: con predios particulares. Leste: coa estrada. Oeste: cun camiño público.
Estremas da parcela nº 4 (95 hectáreas):
Norte e leste: con predios particulares. Sur: co monte veciñal en man común Madredagua e Brañanova (expediente 8/1983), pertencente ós veciños do lugar de Vilanova do Pedregal da parroquia de Noceda, desde Campo do Dreiro ata Pico do Dreiro no límite coa provincia de León. Oeste: co monte veciñal en man común de Vilarello-II (expediente 103/1978), pertencente ós veciños dos lugares de Vilarello da Igrexa, Vilarello do Río e San Miguel da parroquia de Vilarello, con predios particulares e co monte veciñal en man común de Noceda (expediente 21/1982), pertencente ós veciños do lugar de Noceda da parroquia de Noceda, polo regueiro dos Valiñatos.
-Expediente número 3/2002.
Denominación: monte Lama do Espiño e Xaneiras.
Pertenza: veciños dos lugares de Currial, Río e Vilerma.
Parroquia: Maside.
Concello: Sarria.
Superficie total: 5,2 hectáreas.
Estremas da parcela Lama do Espiño (2,05 hectáreas):
Norte: monte veciñal en man común de Ortoá (expediente 68/1978), pertencente ós veciños da parroquia de Ortoá. Leste e sur: camiño. Oeste: monte veciñal en man común de Ortoá (expediente 68/1978), pertencente ós veciños da parroquia de Ortoá e camiño.
Estremas da parcela Xaneiras (3,15 hectáreas):
Norte: monte veciñal en man común Santa Cristina e Xaneiras (expediente 62/1978), pertencente ós veciños da parroquia de Arxemil. Leste e sur: predios particulares. Oeste: predios particulares e monte veciñal en man común de Ortoá (expediente 68/1978), pertencente ós veciños da parroquia de Ortoá.
Contra esta resolución e desde a súa notificación ou publicación, poderá interporse recurso potestativo de reposición no prazo dun mes perante o Xurado Provincial de Montes Veciñais en Man Común de Lugo, ou recurso contencioso-administrativo no prazo de dous meses perante o Xulgado do Contencioso-Administrativo de Lugo, de conformidade co disposto no artigo 46.1º da Lei 29/1998, do 13 de
xullo, da xurisdicción contencioso-administrativa, en relación co artigo 12 da Lei de montes veciñais en man común e o artigo 28 do seu regulamento, modificados os dous preceptos legais pola Lei 30/1992, do 26 de novembro, de réxime xurídico das administracións públicas e do procedemento administrativo común.
Lugo, 12 de decembro de 2002.
Luis González Vázquez
Presidente do Xurado Provincial de Clasificación
de Montes Veciñais en Man Común de Lugo