Con data do 26 de febreiro de 2003, o/a instructor/a do procedemento dictou proposta de resolución do expediente sancionador 271/2002 PRO, incoado na Delegación Provincial da Consellería de Sanidade da Coruña a Club Casablanca.

Intentada a notificación deste acordo segundo o disposto no artigo 59 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro, e non sendo posible a súa práctica, por medio desta cédula e segundo o disposto no número 5 do referido artigo, notifícaselle a Club Casablanca o contido da dita proposta que figura como anexo, para que poida ter coñecemento dela.

Así mesmo, fáiselle sabe-lo dereito que o asiste, ó abeiro do disposto no número 1 do artigo 19 do Real decreto 1398/1993, do 4 de agosto, polo que se aproba o Regulamento para o exercicio da potestade sancionadora, para presentar alegacións ante esta delegación provincial no prazo de 15 días hábiles, contados desde o seguinte ó da publicación desta cédula, lembrándolle o seu dereito a consulta-lo expediente, depositado nas dependencias desta delegación, sita na rúa Gregorio Hernández, 2-4, A Coruña e a obter, se é o caso, copia del, segundo o previsto na letra a) do artigo 35 da Lei 30/1992, do 26 de novembro.

Esta cédula expídese para que conste e lle sirva de notificación ó interesado, en cumprimento do disposto no artigo 59.5º da Lei 30/1992, do 26 de novembro.

A Coruña, 26 de febreiro de 2003.

Mª Blanca García Varela

Delegada provincial da Coruña

ANEXO

Nº expediente: 271/2002 PRO.

Denunciado: Club Casablanca.

Último enderezo coñecido: estrada dos Baños de Arteixo, s/n. A Coruña.

Feito imputado: venda de alcohol a un menor.

Preceptos presuntamente infrinxidos: artigo 35.1º b) da Lei 14/1986, xeral de sanidade, e artigo 13.1º da Lei 2/1996, de Galicia sobre droga.

Tipificación: grave.

Sanción proposta: arquivo.