Visto o expediente para outorgamento de autorización administrativa e aprobación do proxecto de execución da instalación eléctrica que a seguir se cita.
Solicitante: Unión Fenosa Distribución, S.A.
Domicilio social: avda. de Arteixo, 171, 15007 A Coruña.
Denominación: L.A.T. 66 kV Tambre-Palmeira. Ampliación.
Situación: Noia, Lousame, Boiro, A Pobra do Caramiñal e Ribeira.
Descricións técnicas: instalación na liña aérea de alta tensión, a 66 kV, Tambre-Palmeira dun segundo circuíto, con conductor duplex por fase, LA-180, e sobre torres metálicas reforzadas, de 18.704 m de lonxitude, coa orixe en pórtico da subestación do Tambre e final no apoio situado entre os números 75 e 76, onde deriva e conecta a liña existente a subestación Boiro, discorrendo polos municipios de Noia, Lousame e Boiro.
Cumpridos os trámites ordenados na Lei 54/1997, do 27 de novembro, do sector eléctrico (BOE nº 285), e no título VII, capítulo II, do Real decreto 1955/2000, do 1 de decembro (BOE nº 310), sobre autorización de instalacións de enerxía eléctrica, esta delegación provincial resolve:
Autorizar e aproba-lo proxecto de execución das devanditas instalacións, das que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación.
As instalacións executaranse nun prazo non superior a seis meses, contados a partir da data desta resolución.
Contra a presente resolución poderase interpoñer recurso de alzada ante o conselleiro de Industria e Comercio no prazo dun mes contado a partir do día seguinte ó da notificación desta resolución; tamén se poderá interpoñer calquera outro recurso que se estime pertinente.
A Coruña, 5 de marzo de 2003.
Jesús Espada Martínez
Delegado provincial da Coruña
CONSELLERÍA DE POLÍTICA AGROALIMENTARIA
E DESENVOLVEMENTO RURAL