Antecedentes.

1º O Concello da Coruña remite o expediente de expropiación forzosa polo procedemento de taxación conxunta dos bens e dereitos necesarios para a execución do plan especial de protección e recuperación do Castro de Elviña e protección da paisaxe natural (primeira fase), de conformidade co disposto polo artigo 145 da Lei 1/1997, do 24 de marzo, do solo de Galicia (LSG).

2º O Concello da Coruña, en sesión plenaria do día 26 de marzo de 2001, acordou aprobar inicialmente o proxecto de expropiación para a execución do plan especial de protección e recuperación do Castro de Elviña e protección da paisaxe natural (primeira fase) e sometelo a información pública polo prazo dun mes, e anunciouse nos xornais El Ideal Gallego e La Voz de Galicia de data 26 de abril de 2001, e no DOG e BOP de datas 8 e 14 de maio de 2001, respectivamente.

3º A taxación foi notificada individualmente ós que aparecían como titulares de bens e dereitos no expediente, dándolles traslado literal da correspondente folla de aprecio e da proposta de fixación dos criterios de valoración, para que formulasen alegacións no prazo dun mes, contado a partir da data de notificación, tal e como sinala o artigo 145.4º da LSG.

4º O Concello da Coruña emitiu informe individualizado sobre cada unha das alegacións presentadas polos interesados, de conformidade co artigo 145.6º da LSG e remite o expediente de expropiación

forzosa a esta consellería para a súa aprobación definitiva.

Fundamentos xurídicos.

Primeiro.-O proxecto de expropiación forzosa tramitouse polo procedemento de taxación conxunta de conformidade co disposto no artigo 145 da LSG.

Segundo.-O expediente tramitado conta coa documentación preceptiva esixida polo artigo 145.1º da LSG:

-Determinación do seu ámbito territorial, cos documentos que o identifican en canto a situación, superficie e estremas.

-Fixación de prezos coa valoración razoada do solo, segundo a súa cualificación urbanística.

-Follas de prezo xusto individualizado de cada predio.

-Follas de prezo xusto que corresponden a outras indemnizacións, se é o caso.

Terceiro.-No Concello da Coruña está vixente o Plan xeral de ordenación municipal aprobado o 19 de outubro de 1998 (PXOM). Os terreos obxecto de expropiación están clasificados como solo rústico, coa cualificación de sistema xeral de espacios libres.

O PXOM no título IV, capítulo I, sección 2ª, relativa ó Castro de Elviña, contén unha serie de previsións que esixen a súa concreción mediante a redacción dun plan especial. Isto concorda coa esixencia que establece o PXOM no título III, capítulo VI, sección 1ª, relativa ó réxime dos sistemas xerais, que establece que «cando sexa necesaria unha actuación expropiatoria para a execución dos sistemas xerais esixirase a aprobación previa do correspondente plan especial». Así mesmo, na ficha de acción do sistema xeral de espacios libres denominada Castro de Elviña prevese como instrumento de planeamento un plan especial.

Á vista de todas estas previsións, o Concello da Coruña aprobou definitivamente o plan especial de protección e recuperación do Castro de Elviña e protección da paisaxe natural (P.E), onde establece como sistema de actuación o de expropiación. Establece o P.E. un plan de etapas. A 2ª etapa relativa á obtención do solo necesario para a realización do parque farase en 5 etapas, delimitadas no plano número 0.5 plan de etapas, coincidindo o ámbito de expropiación coa fase 1ª, que se corresponde coa área arqueolóxica do Castro de Elviña, declarada polo Decreto 37/1999, do 11 de febreiro.

Á vista do dito e de acordo co establecido no artigo 54 da LSG en relación co artigo 33 da Lei 6/1998, do 13 de abril, sobre réxime do solo e valoracións (LRSV) resulta acreditada a utilidade pública e a necesidade de ocupación dos bens afectados.

Cuarto.-O concello utilizou os criterios de valoración do título III da LRSV.

Quinto.-A competencia para aproba-lo expediente de expropiación forzosa polo procedemento de taxa

ción conxunta correspóndelle por delegación ó director xeral de Urbanismo, de acordo co artigo 1 da Orde do 30 de decembro de 1999, do conselleiro de Política Territorial, Obras Públicas e Vivenda (DOG do 10 de xaneiro de 2000) pola que se delegan atribucións en materia de urbanismo.

Na súa virtude, vista a Lei 1/1997, do 24 de marzo do solo de Galicia, a Lei 6/1998, do 13 de abril, sobre réxime do solo e valoracións, e as demais disposicións aplicables,

RESOLVO:

Primeiro.-Aprobar definitivamente o proxecto de expropiación forzosa polo procedemento de taxación conxunta dos bens e dereitos necesarios para a execución do plan especial de protección e recuperación do Castro de Elviña e protección da paisaxe natural (primeira fase) no Concello da Coruña, para os efectos previstos polos artigos 145 e 146 da LSG, con estimación ou desestimación das alegacións nos termos que aparecen nos informes de contestación ás mesmas que figuren no expediente.

Esta aprobación definitiva do expediente de taxación conxunta implicará a declaración de urxencia da ocupación dos bens e dereitos afectados polo proxecto de expropiación, de conformidade co establecido no artigo 146.1º da LSG.

En consecuencia, o pagamento ou depósito do importe da valoración establecida producirá os efectos previstos nos números 6, 7 e 8 do artigo 52 da Lei de expropiación forzosa, sen prexuízo de que continúe a tramitación do procedemento para a definitiva fixación de prezo xusto (artigo 146.2º da LSG).

Segundo.-Notifica-lo contido desta resolución aprobatoria do expediente ó concello e de xeito individualizado a tódolos que aparezan como titulares de bens ou dereitos afectados que figuran no expediente, ós que se lles xuntará a correspondente folla de valoración, conferíndolles un prazo de vinte días durante o cal poderán manifestar por escrito ante a Dirección Xeral de Urbanismo a súa desconformidade coa valoración establecida no expediente aprobado, conforme dispón o artigo 145.7º da LSG, advertíndolles que, transcorrido o citado prazo de vinte días sen que se formule oposición á valoración, entenderase aceptada a que se fixou no acto aprobatorio do expediente, entendéndose determinado o prezo xusto definitivamente e de conformidade (artigo 145.8º da LSG).

Terceiro.-Publica-la presente resolución así como a seguinte relación dos bens e dereitos afectados pola expropiación, no Diario Oficial de Galicia e no taboleiro de edictos do concello:

Así mesmo, a publicación e exposición no taboleiro de edictos do concello servirá de notificación ós propietarios descoñecidos, a aqueles dos que se ignore o lugar de notificación ou ben cando, tramitada a notificación, non se puidese realizar. Todo isto de acordo co disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común.

Cuarto.-Igualmente, notificaráselle o contido desta resolución á Fiscalía da Audiencia Provincial, para os efectos establecidos no artigo 5 da Lei de expropiación forzosa, en relación cos propietarios descoñecidos e os non comparecentes no procedemento expropiatorio.

Contra esta resolución, que pon fin á vía administrativa, poderase interpoñer recurso contencioso-administrativo perante a sala do Contencioso-Administrativo do Tribunal Superior de Xustiza de Galicia, no prazo de dous meses contados desde o día seguinte ó da notificación, segundo o artigo 46.1º da Lei 29/1998, do 13 de xullo, da xurisdicción contencioso-administrativa (LXCA). Así mesmo, poderase interpoñer recurso potestativo de reposición ante o conselleiro de Política Territorial, Obras Públicas e Vivenda, no prazo dun mes contado a partir do día seguinte ó da notificación desta resolución (artigo 116, 117 e 48 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, de 13 de xaneiro); para o caso de que se interpoña o recurso potestativo de reposición, ata que sexa resolto expresamente ou se producise a desestimación presunta, non se poderá interpoñe-lo recurso contencioso-administrativo

(artigo 116 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro).

No suposto de que o interesado sexa unha administración pública, no lugar do recurso de reposición

poderá dirixir ó órgano competente no prazo de dous meses o requirimento previo previsto no artigo 44 da LXCA.

Todo o anterior é sen prexuízo de que, no caso de desconformidade coa valoración establecida, os interesados dispoñan dun prazo de vinte días para manifestaren a súa desconformidade, como se indicou no número 2 desta resolución, nos termos establecidos polo artigo 145.8º da LSG.

Santiago de Compostela, 18 de abril de 2002.

José Jesús Cudeiro Mazaira

Director xeral de Urbanismo