Ana María Carrasco García, secretaria do Xulgado do Social número catro da Coruña, dou fe e certifico que neste xulgado se seguen autos número 656/2002 por instancia de Marta María Vázquez Gómez e outras contra Maning Atlántica de Inversiones, S.L. sobre despedimento nos que recaeu sentencia, con data do 29-1-2003 que, copiada nos particulares necesarios, di así:
Decido, que estimando a demanda promovida por Marta María Vázquez Gómez, Morgane Marie Madeleine Kervern e Marion Baake, contra a empresa
Maning Atlántica de Inversiones, S.L. debo declarar e declaro improcedente o despedimento efectuado ás demandantes en 1-8-2002 e así mesmo extinguida a relación laboral o día de hoxe, condenando a demandada a que no prazo de cinco días contados desde a notificación desta resolución, aboe ós demandantes en concepto de indemnización as seguintes cantidades: 801,09 euros a Marta María Vázquez e 1.882,37 euros a Morgane Marie Madeleine Kervern e a Marion Baake. Así, por esta miña sentencia, contra a que poderá recorrerse en suplicación perante a Sala do Social do Tribunal Superior de Xustiza de Galicia no prazo de cinco días contados desde o seguinte ó da súa notificación, anunciando o propósito de presentalo mediante comparecencia ou por escrito, sendo indispensable que, ó tempo de anuncialo o recorrente, se é empresario, exhiba diante deste xulgado do social o xustificante acreditativo de ter depositado na conta deste xulgado aberta en Grupo Banesto Banco Español de Crédito, S.A. e
Banco de Vitoria, S.A.), co número 5605 0000 60 0656 02, a cantidade obxecto de condena, podendo substituírse a consignación en metálico polo aseguramento mediante aval bancario, no que deberá facerse consta-la responsabilidade solidaria do avalista, requisito este sen o cal non poderá terse por anunciado o recurso e quedará firme a sentencia. Debendo consignar ademais a cantidade de 15,25 euros na mesma conta 5605 0000 56 0656 02 entregándose o xustificante na secretaría, ó tempo de interpoñe-lo recurso declarándose o mesmo desistido de non constituírse o dito depósito na forma indicada, definitivamente xulgando en primeira instancia, o pronuncio, mando e asino.
E para que conste, para efectos da súa publicación no Diario Oficial de Galicia, co fin de que sirva de notificación á empresa Maning Atlántica de Inversiones, S.L., expido e asino esta cédula na Coruña o 29 de xaneiro de 2003.
O secretario xudicial
Rubricado