Visto o expediente de clasificación da Fundación Pedro Pérez Pérez, con domicilio en Boqueixón (A Coruña).
Supostos de feito.
1. A fundación formulou solicitude de clasificación para os efectos da súa inscrición no Rexistro de Fundacións de Interese Galego.
2. A fundación foi constituída en escritura pública outorgada en Talayuela (Cáceres), o día 1 de febreiro de 2003, ante a notaria Lourdes Salinero Cid, co número cento corenta e un do seu protocolo por Margarita Pérez Pérez e Petra Pérez Pérez; interveñen no seu propio nome.
3. Segundo establece o artigo 5 dos estatutos, o obxecto da fundación é outorgar bolsas coas que se poida apoiar cada ano os estudios dunha carreira universitaria preferentemente de medicina ou veterinaria.
4. O padroado da fundación estará integrado segundo se especifica no artigo 10 dos seus estatutos.
5. A comisión integrada polos secretarios xerais de tódalas consellerías eleva ó conselleiro da Presidencia, Relacións Institucionais e Administración Pública proposta de clasificación como benéfico-docente da Fundación Pedro Pérez Pérez, dado o seu obxecto e finalidade, polo que, véndose cumpridos os requisitos esixidos na Lei 7/1983, do 22 de xuño, e na Lei 11/1991, do 8 de novembro, de reforma da lei anterior, de réxime das fundacións de interese galego, e segundo establece o artigo 32.1º e 2º do Decreto 248/1992, do 18 de xuño, polo que se aproba o Regulamento de organización e funcionamento do protectorado das fundacións de interese galego, procede a súa clasificación como benéfico-docente e á súa adscrición á Consellería de Educación e Ordenación Universitaria.
Fundamentos de dereito.
1. O artigo 34 da Constitución española recoñece o dereito de fundación para fins de interese xeral de acordo coa lei, e o artigo 27.26º do Estatuto de autonomía para Galicia outórgalle competencia exclusiva sobre o réxime das fundacións de interese galego.
2. De acordo co disposto no artigo 32.2º c) do Decreto 248/1992, do 18 de xuño, polo que se aproba o regulamento de organización e funcionamento do protectorado das fundacións de interese galego, correspóndelle a esta consellería a clasificación da fundación e a adscrición á consellería correspondente, quen exercerá plenamente o protectorado sobre ela.
3. Á vista do que antecede, pódense considerar cumpridas as finalidades tanto legais como regulamentarias establecidas para o caso, de acordo coa proposta realizada pola Comisión de secretarios xerais na súa reunión do día 3 de marzo de 2003.
Vista a Constitución española de 1978, o Estatuto de autonomía de Galicia (Lei orgánica 1/1981, do 6 de abril); a Lei 7/1983, do 22 de xuño e na Lei 11/1991, do 8 de novembro, de reforma da ante
rior, de réxime das fundacións de interese galego, así como as demais normas de desenvolvemento e de xeral aplicación.
Na súa virtude
DISPOÑO:
Clasificar como benéfico-docente a Fundación Pedro Pérez Pérez adscribíndoa á Consellería de Educación e Ordenación Universitaria, que exercerá plenamente o protectorado sobre ela.
Santiago de Compostela, 5 de marzo de 2003.
Jaime Pita Varela
Conselleiro da Presidencia, Relacións Institucionais
e Administración Pública