O Pleno do Concello de Santiago de Compostela, na súa sesión do 28 de novembro de 2002, aprobou definitivamente o Plan Parcial de Ordenación do

Solo Urbanizable Non Programado número 31-1º sector (SUNP-31) de San Marcos, promovido pola mercantil Inmobiliaria Outeiro de Sar, S.L. (OUDESA, S.L.).

O acto da aprobación definitiva do citado Plan parcial foi comunicado á Consellería de Política Territorial, Obras Públicas e Vivenda con data do 10 de febreiro de 2003, en cumprimento do disposto polo artigo 92.3º da Lei 9/2002, do 30 de decembro, de ordenación urbanística e protección do medio rural de Galicia.

De acordo co sinalado no artigo 92.2º da citada lei, publicouse no BOP número 49, o día 28 de febreiro de 2003, o texto íntegro da normativa.

Contra o acordo de aprobación definitiva do citado Plan parcial poderase interpoñer directamente recurso contencioso-administrativo ante o Tribunal Superior de Xustiza de Galicia no prazo de dous meses, contados a partir do día seguinte ó da publicación deste anuncio.

Santiago de Compostela, 28 de febreiro de 2003.

Xosé A. Sánchez Bugallo

Alcalde