Jaime Balado Yáñez, secretario xudicial do Xulgado do Social número dous da Coruña, dou fe e testemuño de que en autos seguidos perante este Xulgado do Social, tramitados baixo o número 462/2002 por instancia de Raquel Pintor Buyo contra a empresa Counter Lab, S.L. e Fogasa sobre salarios, dictouse a seguinte sentencia:

«Na Coruña, 30 de xaneiro de 2003.

Jorge Hay Alba, maxistrado xuíz do Social número dous desta cidade, viu estes autos de xuízo número 462/2002, seguidos por instancia de Raquel Pintor Buyo, maior de idade, asistida polo letrado Pedro Pedreira Candal, contra a empresa Counter Lab, S.L., que non compareceu nos autos; e o Fondo de Garantía Salarial, representado e asistido pola letrada Enma Pérez Díez del Corral, sendo o obxecto da reclamación salarios.

Seguen feitos e fundamentos de dereito.

Decido que estimando a demanda interposta por Raquel Pintor Buyo, intervindo o Fogasa, contra a empresa Counter Lab, S.L., debo condenar e condeno esta a que lle aboe á demandante a cantidade de 611,10 euros por tódolos conceptos reclamados na demanda.

Notifíqueselles esta resolución ás partes, ás que se lles fará saber que contra a referida só cabe recurso de suplicación ante o Tribunal Superior de Xustiza de Galicia, anunciándose ante este xulgado no prazo de cinco días contado a partir da notificación desta sentencia, e no propio termo, se o recorrente non goza do beneficio da xustiza gratuíta, deberá, ó anuncialo, entrega-lo xustificante acreditativo de consignación da cantidade obxecto da condena na conta de depósitos e consignacións que este xulgado ten aberta no Banesto desta cidade, co número de conta 0030-6349-0000-5603, clave 60, facendo constar no ingreso o número do expediente.

E así mesmo deberá, no momento de interpo-lo recurso, consigna-la cantidade de 150,25 euros, en concepto de depósito na clave 65 da citada conta e expediente.

Así, por esta miña sentencia, definitivamente xulgando en primeira instancia, pronúncioo, mándoo e asínoo».

E para que lles sirva de notificación á empresa Counter Lab, S.L., que ten o seu enderezo descoñecido, mediante a súa publicación no Diario Oficial de Galicia, expido e asino esta cédula na Coruña o 31 de xaneiro de 2003.

O secretario xudicial

Rubricado