A Deputación Provincial da Coruña, en sesión celebrada o día quince de xullo de dous mil dous, aprobou o proxecto da obra de ampliación e mellora do trazado da estrada provincial 1909 de Carballo a Caión e acceso á Lagoa, punto quilométrico 1,700 ó 6,000, punto quilométrico 6,000 ó 12,000 e punto quilométrico 12,000 ó 15,630, e na mesma sesión acordou solicitar da Xunta de Galicia a declaración
de urxente ocupación dos bens e dereitos afectados pola expropiación forzosa ó abeiro do disposto no artigo 52 da Lei de expropiación forzosa.
Por parte da Deputación Provincial da Coruña foi remitida a documentación complementaria para a correcta tramitación do expediente con data de entrada no rexistro xeral da Consellería de Xustiza, Interior e Administración Local o día dezasete de xaneiro de dous mil tres.
Os bens nos que se concreta a declaración de urxente ocupación están determinados no expediente que se someteu a información pública.
A Dirección Xeral de Urbanismo da Consellería de Política Territorial, Obras Públicas e Vivenda emitiu informe favorable. Este informe tivo entrada no rexistro xeral da Consellería de Xustiza, Interior e Administración Local o día vinteseis de novembro de dous mil dous.
Considérase necesaria a declaración de urxente ocupación dos bens e dereitos precisos para a realización das obras do proxecto técnico sinalado, xa que segundo sinala a deputación a actuación é necesaria ó fin de evita-lo altísimo risco de accidentes con perigo para a vida humana debido á existencia de curvas perigosas con pequeno raio, edificacións e vivendas pegadas á estrada, o estado do firme, o largo da calzada de dimensións inferiores ás necesidades dos vehículos e a intensidade media do tráfico.
A competencia para a declaración da urxente ocupación correspóndelle ó Consello da Xunta de Galicia segundo o disposto nos artigos 27.2º e 28.2º do Estatuto de autonomía de Galicia.
Na súa virtude, por proposta do conselleiro de Xustiza, Interior e Administración Local e logo de deliberación do Consello da Xunta de Galicia na súa reunión do día trinta e un de xaneiro de dous mil tres.
DISPOÑO:
Artigo único.-De conformidade co disposto no artigo 52 da Lei de expropiación forzosa, declárase a urxente ocupación, pola Deputación Provincial da Coruña, para efectos de expropiación forzosa, dos bens e dereitos concretados no expediente administrativo instruído para o efecto e necesarios para a execución das obras do proxecto da obra de ampliación e mellora do trazado da estrada provincial 1909 de Carballo a Caión e acceso á Lagoa, punto quilométrico 1,700 ó 6,000, punto quilométrico 6,000 ó 12,000 e punto quilométrico 12,000 ó 15,630.
Santiago de Compostela, trinta e un de xaneiro de dous mil tres.
Manuel Fraga Iribarne
Presidente
Antonio Pillado Montero
Conselleiro de Xustiza, Interior e Administración Local