Ana María Carrasco García, secretaria do Xulgado do Social número catro da Coruña, dou fe e certifico que neste xulgado se seguen autos número 611/2002, por instancia de Miguel Ángel Blanco González contra Cedrón Comunicaciones, S.L., sobre despedimento, nos que recaeu sentencia en data que, copiada nos particulares necesarios, di así:
«Decido que, estimando a demanda promovida por Miguel Ángel Blanco González contra Cedrón Comunicaciones, S.L., debo declarar e declaro improcedente o despedimento efectuado ó demandante condenando a demandada a que no prazo de cinco días contados desde a notificación desta resolución opte entre a inmediata readmisión do traballador nas mesmas condicións que rexían antes de producirse o despedimento, con aboamento da cantidade de 319,27 euros, en concepto de indemnización, e ó aboamento dos salarios deixados de percibir desde a data do despedimento e ata a notificación desta resolución, en caso de que opte pola readmisión.
Así, por esta miña sentencia, contra a que se poderá recorrer en suplicación perante a Sala do Social do Tribunal Superior de Xustiza de Galicia no prazo de cinco días contados desde o seguinte ó da súa notificación, anunciando o propósito de inicialo mediante comparecencia ou por escrito, sendo indispensable que, ó tempo de anuncialo o recorrente, se é empresario, exhiba perante este Xulgado do Social o xustificante acreditativo de ter depositada no Banco de Bilbao Vizcaya, oficina principal desta cidade, na conta corrente deste xulgado número identificador 5605, clave 60, a cantidade obxecto da condena, podendo substituírse a consignación en metálico polo aseguramento mediante aval bancario, no que deberá facerse consta-la responsabilidade solidaria do avalista, requisito este sen o cal non poderá terse por anunciado o recurso e quedará firme a sentencia. Debendo consignar ademais a cantidade de 25.000 pesetas na mesma conta coa clave 65, entregándose o xustificante na secretaría ó
tempo de interpoñe-lo recurso declarándose este desistido de non constituírse o dito depósito na forma indicada, definitivamente xulgando en primeira instancia, pronúncioo, mándoo e asínoo».
Así, por esta miña sentencia, do que se unirá certificación ós autos orixinais para a súa notificación e cumprimento, xulgando, pronúncioo, o mándoo e asínoo.
E para que conste, para efectos da súa publicación no Diario Oficial de Galicia, co fin de que sirva de notificación en forma á empresa Cedrón Comunicaciones, S.L., expido e asino esta cédula na Coruña, o quince de xaneiro de dous mil tres.
A secretaria xudicial
Rubricado