A Lei 27/1992, do 24 de novembro, de portos do Estado e da mariña mercante, texto reformado pola
Lei 62/1997, do 26 de decembro, atribúelles ás comunidades autónomas a facultade de designación e separación dos vocais dos consellos de administración das autoridades portuarias de interese xeral do Estado sitas no seu territorio.
O acordo do Consello da Xunta de Galicia do 10 de xaneiro de 2002, modificado polo acordo do 6 de xuño de 2002, faculta o conselleiro de Política Territorial, Obras Públicas e Vivenda para o presente cesamento.
Conforme o previsto no artigo 40 da Lei de portos do Estado e da mariña mercante, texto reformado pola Lei 62/1997, do 26 de decembro, a designación dos vocais do consello de administración deberá facerse necesariamente por proposta das administracións públicas, entidades ou organismos representados no consello de administración, polo que, en canto órgano competente,
DISPOÑO:
O cesamento, por paso a outro destino, de Emilio García Gallego como vocal dos consellos de administración das autoridades portuarias da Coruña e Vigo e a súa ría, en representación da Xunta de Galicia, agradecéndolle os servicios prestados.
Santiago de Compostela, 19 de febreiro de 2003.
Alberto Núñez Feijoo
Conselleiro de Política Territorial, Obras Públicas e Vivenda
CONSELLERÍA DA PRESIDENCIA, RELACIÓNS INSTITUCIONAIS
E ADMINISTRACIÓN PÚBLICA