Por acordo do Pleno desta Corporación Municipal, adoptado en sesión celebrada o día 27 de xaneiro de 2003, aprobouse o texto inicial do convenio urbanístico de planeamento subscrito entre o Concello de Ribeira e os propietarios do soar situado entre a rúa de Lugo, praza Otero Goyanes e rúa de Ramón y Cajal.

O que se somete a información pública por un período de vinte días, mediante a publicación deste anuncio no Diario Oficial de Galicia e nun dos xornais de maior difusión na provincia, en cumprimento do artigo 237.1º da Lei 9/2002, do 30 de decembro, de ordenación urbanística e protección do medio rural de Galicia, co obxecto de que durante o referido prazo cantas persoas se consideren interesadas poidan examina-lo correspondente expediente nas mañás dos días hábiles, de nove trinta a trece trinta horas, no prazo indicado, que comezará a contar a partir do día seguinte ó da publicación do presente anuncio no Diario Oficial de Galicia, nas oficinas de Secretaría do Concello de Ribeira, praza do Concello s/n, co fin de que se poidan formula-las reclamacións e alegacións que se estimen procedentes.

Ribeira, 28 de xaneiro de 2003.

José Luis Torres Colomer

Alcalde