De conformidade co disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselle á persoa que no anexo se menciona, a incoación do expediente sancionador, por infracción á Lei de montes do 8 de xuño de 1957 e o Decreto 485/1962, do 22 de febreiro, polo que se aproba o Regulamento de montes.

Que, así mesmo, designo instructor do expediente a Antonio Álvarez Fernández.

O que se notifica, para os efectos previstos no artigo 29 da devandita Lei de réxime xurídico das administracións públicas e do procedemento administrativo común, podendo recusalo en calquera momento do expediente por algunha das causas previstas no artigo 28 da mentada lei.

Para os efectos previstos na Lei de réxime xurídico das administracións públicas e do procedemento administrativo común, o denunciado disporán dun prazo de quince días hábiles, contados a partir do seguinte ó da publicación desta notificación, para formula-las alegacións, achega-los documentos ou achega-las probas que conveñan ó seu dereito, advertíndolle que, de non efectuar alegación ningunha no prazo fixado, este acordo de incoación poderá ser considerado proposta de resolución, de dárense os supostos previstos no artigo 13 do Real decreto 1398/1993, do 4 de agosto (BOE do 9 de agosto).

Pontevedra, 27 de xaneiro de 2003.

José Antonio López Rodríguez

Delegado provincial de Pontevedra

ANEXO

Expediente: MP-88/2002.

Denunciado: Sergio Domínguez Pereira. Enderezo: praza de la Iglesia nº 21, ático, Estacas, Fornelos de Montes.

Feitos denunciados: gando pastoreando en zona de CMVMC de Estacas, sen autorización da comunidade propietaria. Feitos ocorridos o día 2 de decembro de 2002.

Data do acordo da incoación: 18-12-2002.

Precepto infrinxido: artigo 415 do Regulamento de montes, aprobado polo Decreto 485/1962, do 22 de febreiro, polo que se desenvolve a Lei do 8 de xuño de 1957.

Precepto sancionador: artigo 415 do Regulamento de montes.

Sanción: 2.000 euros.