Con data do 3 de decembro de 2002, a delegada provincial da Consellería de Sanidade da Coruña dictou acordo de inicio do expediente sancionador nº 329/2002, incoado na Delegación Provincial da Consellería de Sanidade da Coruña, a Inversiones Altema, S.A.
Intentada a notificación deste acordo segundo o disposto no artigo 59 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada por Lei 4/1999, do 13 de xaneiro, e non sendo posible a súa práctica, por medio da presente cédula, e ó abeiro do disposto no número 5 do referido artigo, notifícase a Inversiones Altema, S.A., o contido do referido acordo, que figura como anexo, para que poida ter coñecemento del.
Así mesmo, fáiselle saber o dereito que o asiste, ó abeiro do disposto no numero 1 do artigo 16 do Real decreto 1398/1993, do 4 de agosto, polo que se aproba o regulamento para o exercicio da potestade sancionadora, para presentar alegacións ante esta delegación provincial no prazo de 15 días hábiles, contados a partir do seguinte ó da publicación da presente cédula, lembrándolle o seu dereito a consulta-lo expediente, depositado nas dependencias desta delegación provincial, sita na rúa Gregorio Hernández, 2-4, A Coruña, e obter, de se-lo caso, copia deste, segundo o previsto na letra a) do artigo 35 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro.
Apercíbese tamén de que, de non efectuar alegacións sobre o contido do dito acordo no citado prazo, a iniciación poderá ser considerada proposta de resolución cando conteña un pronunciamento preciso acerca da responsabilidade imputada, cos efectos previstos nos artigos 18 e 19 do citado regulamento.
A presente cédula expídese para que conste e lle sirva de notificación ó interesado, en cumprimento co disposto no artigo 59.5º da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro.
A Coruña, 29 de xaneiro de 2003.
Mª Blanca García Varela
Delegada provincial da Coruña
ANEXO
Nº expediente: 329/2002.
Denunciado: Inversiones Altema, S.A.
DNI/NIF: A-36018463.
Último enderezo coñecido: Rúa do Aro. Mera. Oleiros.
Feito imputado: infraccións á lexislación aplicable en materia de restauración colectiva.
Precepto/s presuntamente infrinxido/s: artigo 35.A.3 da Lei 14/1986, xeral de sanidade; artigos 2.1º.1; 2.2º do R.D. 1645/1983 sobre infraccións e sancións en materia de defensa do consumidor e da producción agroalimentaria; apartados 3.2 e 6.2 do R.D. 3484/2000, sobre normas de hixiene para a elaboración, distribución e comercio de comidas preparadas; os capítulos I e II do R.D. 2207/1995, sobre normas de hixiene relativas ós productos alimenticios e e os artigos 2 e 7.3º do R.D. 202/2000, sobre manipuladores de alimentos.
Tipificación provisional: leve.
Sanción proposta: 450,76 euros. Catrocentos cincuenta euros con setenta e seis céntimos.