O Pleno do Concello, en sesión celebrada con data do 31 de xaneiro de 2003, aprobou definitivamente a modificación puntual nº 3 ó Plan Xeral de Ordenación Municipal para a redefinición das ordenanzas e o seu ámbito de aplicación no Plan Especial de Reforma Interior (PERI) de Puna Promontoiro, redactado polo arquitecto Fernando Casqueiro Barreiro, en data setembro de 2002, e tramitada por instancia de Regasificadora del Noroeste, S.A.

En cumprimento do disposto no artigo 92 da Lei 9/2002, do 30 de decembro, de ordenación urbanística e protección do medio rural de Galicia, publícase o presente anuncio e remitirase á Consellería de Política Territorial, Obras Públicas e Vivenda copia autenticada do expediente e dous exemplares do instrumento aprobado definitivamente, debidamente dilixenciados polo secretario do concello.

Contra o acordo de aprobación definitiva, que pon fin á vía administrativa, poderase interpor recurso contencioso-administrativo perante o Tribunal Superior de Xustiza de Galicia, no prazo de dous meses contados desde o día seguinte ó da publicación deste anuncio.

Mugardos, 3 de febreiro de 2003.

Ramón Toimil Saavedra

Alcalde