Vista a proposta formulada polo tribunal cualificador das probas selectivas realizadas para prover en propiedade as seguintes prazas:

1. Unha praza da escala de Administración xeral, subescala administrativa, promoción interna a través de concurso-oposición.

2. Unha praza da escala de Administración xeral, subescala administrativa, acceso libre a través de concurso-oposición.

3. Unha praza da escala de Administración, subescala de auxiliar administrativa, promoción interna a través de concurso-oposición.

Vista a oferta de emprego público inserida no BOE nº 89 do 13 de abril e bases aprobadas por resolución da alcaldía do 10 de maio de 2002 e publicadas no BOP nº 120, do 28 de maio (corrección de erros BOP nº 137, do 17 de xuño) e verificada a concorrencia dos requisitos esixidos nas bases da convocatoria.

De conformidade co preceptuado no artigo 7 do Real decreto 896/1991, do 7 de xuño, polo que se establecen as regras básicas e os programas mínimos ós que se teñen que axusta-lo procedemento de selección dos funcionarios de Administración local.

Por medio desta resolución,

RESOLVO:

Primeiro.-Nomear funcionarios de carreira das escalas e subescalas que se citan os aspirantes aprobados que se citan no anexo desta resolución.

Segundo.-Notificar ós interesados que para adquiri-la condición de funcionarios de carreira das respectivas escalas e subescalas deberán prestar xuramento ou promesa, de conformidade co establecido no Real decreto 707/1979, do 5 de abril e tomar posesión do seu destino no prazo de trinta días hábiles contados a partir do seguinte ó da notificación desta resolución.

Terceiro.-Dar conta desta resolución ó Pleno da Corporación na primeira sesión que este realice, de acordo co disposto no artigo 42 do Regulamento de organización, funcionamento e réxime xurídico das entidades locais, do 28 de novembro de 1986.

O que resolvo e asino, perante min, o secretario en comisión circunstancial de servicios en Padrón o 13 de decembro de 2002.

Juan M. Salgueiro del Valle

Secretario

ANEXO