Resoltas as reclamacións e renuncias producidas á resolución provisional e de conformidade coa base décima da Orde do 20 de outubro de 2002 pola que se anunciou o procedemento para cambio de destinos e reingresos a resultas del por profesores especiais de institutos técnicos de ensinanzas medias para extinguir, esta dirección xeral
DISPÓN:
Primeiro.-Adxudicar destino definitivo ós profesores que figuran no anexo desta resolución, nos centros que alí se especifican.
Segundo.-Os profesores participantes neste procedemento para cambio de destinos e reingresos que presentansen documentación poderán retirala eles mesmos ou por medio de persoa autorizada no servicio de profesorado de ensinanzas secundaria e especiais desta consellería (San Caetano, Santiago de Compostela) despois de transcorrido un mes desde a publicación desta resolución no DOG.
Terceiro.-Contra esta resolución poderase interpoñer recurso de alzada perante o conselleiro de Educación e Ordenación Universitaria no prazo dun mes, contado a partir da súa publicación no DOG segundo o disposto nos artigos 114 e 115 da Lei 4/1999, de modificación da Lei 30/1992, de réxime xurídico das administracións públicas e do procedemento administrativo común.
Santiago de Compostela, 29 de xaneiro de 2003.
Severino Somoza Gómez
Director xeral de Persoal
ANEXO
Adxudicación definitiva
Apelidos e nome DNI Praza adxudicada Puntos D. pref.
González, Mª Rita
Guiomar de Salvador
3444585234 IES O Couto-Ourense 8,8 Non