Publicada a Resolución do 4 de decembro de 2002, do tribunal designado para cualifica-lo proceso selectivo para o ingreso no corpo superior de Administración da Xunta de Galicia, escala de profesores do INEF de Galicia (persoal laboral fixo), pola que se ordena a publicación da proposta de relación de aspirantes que superaron o devandito proceso selectivo (Diario Oficial de Galicia nº 6, do 10 de xaneiro) e remitida esta pola Dirección Xeral da Función Pública, esta consellería:

DISPÓN:

Primeiro.-Elevar a definitiva a proposta de aspirantes que superaron o proceso selectivo para o ingreso no corpo superior de Administración da Xunta de Galicia, escala de profesores do INEF de Galicia (persoal laboral fixo), convocado pola Orde do 7 de agosto de 2002 (Diario Oficial de Galicia nº 157, do 16 de agosto), que se publica como anexo a esta orde.

Segundo.-Os aspirantes que constan no devandito anexo deberán remitir, no prazo de vinte días naturais contados a partir do seguinte ó da publicación

desta orde no Diario Oficial de Galicia, á Dirección Xeral da Función Pública da Consellería da Presidencia, Relacións Institucionais e Administración Pública, os documentos á que se refire a base IV da orde de convocatoria.

Terceiro.-Contra esta orde, que pon fin á vía administrativa, poderase interpoñer, con carácter potestativo, recurso de reposición perante o conselleiro da Presidencia, Relacións Institucionais e Administración Pública, no prazo dun mes contado desde o día seguinte ó da publicación desta orde no Diario Oficial de Galicia, de conformidade co establecido na Lei 30/1992, do 26 de novembro, ou directamente recurso contencioso-administrativo no prazo de dous meses, contados desde o día seguinte ó da súa publicación, perante a Sala do Contencioso-Administrativo do Tribunal Superior de Xustiza de Galicia, segundo os artigos 8.2º e 10.1º da Lei 29/1998, do 13 de xullo.

Santiago de Compostela, 4 de febreiro de 2003.

Jaime Pita Varela

Conselleiro da Presidencia, Relacións

Institucionais e Administración Pública

ANEXO

Relación definitiva de aspirantes que superaron o proceso selectivo para o ingreso no corpo superior de Administración da Xunta de Galicia, escala de profesores do INEF de Galicia (persoal laboral fixo)