A Lei 6/2002, do 27 de decembro, de orzamentos xerais da Comunidade Autónoma de Galicia para o ano 2003 establece no seu artigo 43 unha modificación do Decreto 287/2000, do 21 de novembro, polo que se desenvolve o réxime de axudas e subvencións públicas da Comunidade Autónoma de Galicia, na súa regulación do prazo mínimo para a presentación de solicitudes de axudas e subvencións públicas, ampliándoo de 20 días hábiles a 40 días hábiles.
Así mesmo o citado artigo establece que as ordes de axudas e subvencións manteñan un escrupuloso respecto ó disposto na Lei 30/1992, de réxime xurídico das administracións públicas e do procedemento administrativo común, no que se refire á presentación de documentos que obran en poder da Xunta de Galicia.
Como queira que a orde que se modifica foi publicada con anterioridade á entrada en vigor da Lei 6/2002, do 27 de decembro, de orzamentos xerais da Comunidade Autónoma de Galicia para o ano 2003, ó terse tramitado en réxime anticipado, requeire a súa adaptación ós anteriores mandatos legais.
Para cumprir este mandato e unha vez obtidos preceptivos informes,
DISPOÑO:
Artigo primeiro.-Modifícase o primeiro parágrafo do artigo 5 correspondente a solicitudes, prazo de presentación e documentación, quedando redactado como segue:
O prazo para a presentación das solicitudes será o comprendido entre o día 2 de xaneiro de 2003 e o 21 de febreiro de 2003.
Artigo segundo.-Modifícase o devandito artigo 5 correspondente a solicitudes, prazo de presentación e documentación, ó que se lle engade o seguinte punto:
Non será necesaria a presentación de todos aqueles documentos que consten en poder da Xunta de Galicia, debendo indica-lo solicitante, co obxecto da súa
rápida localización, a unidade administrativa en que se encontran.
Santiago de Compostela, 28 de xaneiro de 2003.
Juan Rodríguez Yuste
Conselleiro de Innovación, de Industria e Comercio
CONSELLERÍA DE CULTURA, COMUNICACIÓN SOCIAL
E TURISMO