Visto o expediente de clasificación da Fundación Igual Arte, con domicilio en Mos (Pontevedra).
Supostos de feito.
1. A fundación formulou solicitude de clasificación para os efectos da súa inscrición no Rexistro de Fundacións de Interese Galego.
2. A fundación foi constituída en escritura pública outorgada en Vigo o día 26 de decembro de 2002, ante o notario Santiago Botas Prego, co número catro mil oitocentos tres do seu protocolo, por Marcos Antonio Estévez Vila, María Cristina Lago Pérez, Juan Adolfo Manguna Strasser, Felipe Estévez Fernández e Dolores Vila Carrera; todos eles interveñen no seu propio nome e dereito.
3. Segundo consta no artigo seis dos seus estatutos, o obxecto da fundación é a promoción, desenvolvemento, protección, participación, fomento de actividades sociais, culturais, educativas, musicais, de expresión, danza, teatro, plástica e arte para todos.
4. O padroado da fundación estará integrado por María Cristina Lago Pérez como presidenta, Marcos Antonio Estévez Vila como secretario, Juan Adolfo Maguna Strasser, Felipe Estévez Fernández e Dolores Vila Carrera como vocais.
5. A comisión integrada polos secretarios xerais de tódalas consellerías eleva ó conselleiro da Presidencia, Relacións Institucionais e Administración Pública proposta de clasificación como de interese cultural da Fundación Igual Arte, dado o seu obxecto
e finalidade, polo que, véndose cumpridos os requisitos esixidos na Lei 7/1983, do 22 de xuño, e na Lei 11/1991, do 8 de novembro, de reforma da lei anterior, de réxime das fundacións de interese galego, e segundo establece o artigo 32.1º e 2º do Decreto 248/1992, do 18 de xuño, polo que se aproba o Regulamento de organización e funcionamento do protectorado das fundacións de interese galego, procede a súa clasificación como de interés cultural e a súa adscrición á Consellería de Cultura, Comunicación Social e Turismo.
Fundamentos de dereito.
1. O artigo 34 da Constitución española recoñece o dereito de fundación para fins de interese xeral de acordo coa lei e o artigo 27.26º do Estatuto de autonomía para Galicia outórgalle competencia exclusiva sobre o réxime das fundacións de interese galego.
2. De acordo co disposto no artigo 32.2º c) do Decreto 248/1992, do 18 de xuño, polo que se aproba o Regulamento de organización e funcionamento do protectorado das fundacións de interese galego, correspóndelle a esta consellería a clasificación da fundación e a adscrición á consellería correspondente, que exercerá plenamente o protectorado sobre ela.
3. Á vista do que antecede, pódense considerar cumpridas as finalidades tanto leais como regulamentarias establecidas para o caso, de acordo coa proposta realizada pola Comisión de Secretarios Xerais na súa reunión do día 28 de xaneiro de 2003.
Vista a Constitución española de 1978, o Estatuto de autonomía de Galicia (Lei orgánica 1/1981, do 6 de abril); a Lei 7/1983, do 22 de xuño, e na Lei 11/1991, do 8 de novembro, de reforma da anterior, de réxime das fundacións de interese galego, así como as demais normas de desenvolvemento e de xeral aplicación.
Na súa virtude,
DISPOÑO:
Clasificar como de interese cultural a Fundación Igual Arte adscribíndoa á Consellería de Cultura, Comunicación Social e Turismo, que exercerá plenamente o protectorado sobre ela.
Santiago de Compostela, 29 de xaneiro de 2003.
Jaime Pita Varela
Conselleiro da Presidencia, Relacións
Institucionais e Administración Pública