Venda de terreo patrimonial do concello, na vila de Castro de Riberias de Lea, para promove-la implantación de industria e creación de postos de traballo, en acción de fomento. Acordo do Pleno, adoptado en sesión do día 8 de xaneiro do ano 2003.
1. Entidade adxudicadora.
a) Órgano de contratación: Pleno do Concello.
b) Dependencia que tramita o expediente: secretaría do concello.
2. Obxecto do contrato.
Venda dun terreo patrimonial de 17.000 m, dos que 8.444 m están comprendidos dentro do Parque Empresarial de Castro de Ribeiras de Lea e os 8.556 m restantes na zona prevista para a ampliación.
3. Tramitación, procedemento e forma de adxudicación.
a) Tramitación: urxente.
b) Procedemento: restrinxido.
c) Forma: poxa.
4. Tipo base de licitación: dez mil euros (10.000 A).
5. Condicións específicas para a selección previa de licitadores.
a) Pertencer ó ramo de industria de alimentación, acreditando a experiencia e solvencia económica e técnica.
b) Obrigarse a facer un investimento total non inferior a 3.000.000 de A.
c) Obrigarse a crear nunha 1ª fase, 33 postos fixos de traballo: (1 director; 1 administrativo; 1 oficial de mantemento; 10 oficiais de 1ª e 20 peóns).
d) Obrigarase a que a tecnoloxía que se vaia empregar cumpra coas máis estrictas normas de U.E. para a preservación do medio natural, que aseguren a eliminación de efectos contaminantes no contorno.
6. Prazo para presentar solicitudes de participación no proceso de selección previa á licitación: ata as 14 horas do décimo quinto día natural seguinte ó de publicación do último dos anuncios inseridos no BOP de Lugo e no DOG.
Se o último día fose sábado ou festivo, ata a mesma hora do día hábil seguinte.
7. Obtención de documentación e información.
Secretaría do Concello de Castro de Rei, praza Maior, 1, 27250 Castro de Rei (Lugo), teléfono 982 31 40 34, fax 982 31 40 61.
Data límite para a obtención: ata o día anterior ó de finalización do prazo de presentación de solicitudes de participación.
O prego de cláusulas administrativas particulares pode examinarse nas oficinas municipais e obterse copias no indicado prazo.
Castro de Rei, 22 de xaneiro de 2003.
Arturo Pereiro Vilariño
Alcalde
