Por resolución da Alcaldía, do 17 de xaneiro de 2003, aprobáronse o prego de cláusulas administrativas particulares e os anexos, por medio de concurso con procedemento aberto, para a contratación da obra de mellora dos accesos ó mirador de Castro Barbudo.

Convócase a licitación da obra coas seguintes condicións:

1. Proxecto: mellora dos accesos ó mirador de Castro Barbudo.

2. Orzamento base de licitación: 79.473,30 euros (IVE incluído).

3. Aplicación orzamentaria: 511.Z2.601.00.

4. Prazo de execución: 2 meses.

5. Clasificación: non se esixe.

6. Lugar de presentación de ofertas: rexistro xeral do Concello de Rianxo, das 9 ás 14 horas.

7. Prazo de presentación de proposicións: dentro dos 26 días naturais contados a partir do seguinte ó da publicación do último anuncio no BOP ou DOG.

8. Garantía provisional: non se esixe.

9. Garantía definitiva: 4% da adxudicación.

10. Taxa do contrato: o contratista deberá asumi-lo custo da dirección de obra.

11. Revisión de prezos: non procede a revisión de prezos.

12. Control de calidade: de acordo co punto 15.3.1. do prego de condicións presentarase un programa de control de calidade.

13. O importe máximo dos gastos de publicidade da licitación será por conta do contratista.

Outros datos:

Información: teléfono 981 86 00 75, 981 86 00 76.

Lugar onde se poden obte-las copias do proxecto e prego: Concello de Rianxo.

O que se fai público para os efectos oportunos.

Rianxo, 17 de xaneiro de 2003.

Pedro Piñeiro Hermida

Alcalde