Por Decreto da Alcaldía nº 630/2002, do 13-12-2002, aprobouse definitivamente a delimitación da unidade de execución en Agra da Cruz, Samoedo, a pedimento de La Añota, S.L.

Así mesmo, o Concello Pleno en sesión realizada o 20-12-2002 aprobou definitivamente o estudio de detalle da devandita unidade de execución.

O que se fai público consonte o disposto na Lei do solo de Galicia, os interesados poderán no prazo dun mes interpor recurso de reposición (perante o alcalde-presidente a delimitación de U.E., e perante o Concello Pleno o estudio de detalle) ou ben no prazo de dous meses directamente recurso contencioso-administrativo perante o Tribunal Superior de Xustiza de Galicia. O prazo computarase a partir da última publicación no DOG ou no BOP da Coruña. Todo o anterior consonte o disposto nos artigos 116 e 117 da Lei 30/1992, do 26 de novembro, de réxime xurídico das administracións públicas e do procedemento administrativo común, así como o disposto no artigo 46 da Lei 29/1998, do 13 de xullo, da xurisdicción contencioso-administrativa.

Sada, 15 de xaneiro de 2003.

Ramón Rodríguez Ares

Alcalde