De conformidade co establecido no artigo 18 do Decreto 287/1996, do 12 de xullo, polo que se aproba o Regulamento de organización e funcionamento do Consello Consultivo de Galicia, esta presidencia
RESOLVE:
Facer público o acordo plenario do 3 de xaneiro de 2003, do Consello Consultivo de Galicia, polo que se establecen o número, distribución de asuntos e composición das seccións do devandito consello para 2003, do teor literal seguinte:
«Segundo o disposto nos artigos 15 e 16 da Lei 9/1995, do 10 de novembro, de creación do Consello Consultivo de Galicia e nos artigos 16 e 18 do seu Regulamento de organización e funcionamento, aprobado polo Decreto 287/1996, o Pleno do Consello Consultivo de Galicia, na súa reunión do día 3 de xaneiro de 2003,
ACORDA:
1. Establece-lo número e composición das seccións do Consello Consultivo de Galicia en relación coas solicitudes de dictames correspondentes ó ano 2003, da forma seguinte:
Sección primeira:
Presidente: José Antonio García Caridad.
Vocais:
Pablo Moure Mariño.
Antonio Carro Fernández-Valmayor.
José Mª Gómez y Díaz-Castroverde.
Secretario: Pablo López Paz.
Sección segunda:
Presidente: José Luis de la Torre Nieto.
Vocais:
Antonio Carro Fernández-Valmayor.
José Mª Gómez y Díaz-Castroverde.
Secretaria: Ana López Guizán.
2. A distribución de asuntos entre elas efectuarase por quenda alternativa segundo a orde de entrada da solicitude de dictames.
3. Que, de acordo co parágrafo segundo do citado artigo 18, se publique este acordo no Diario Oficial de Galicia».
Santiago de Compostela, 3 de xaneiro de 2003.
José Antonio García Caridad
Presidente do Consello Consultivo de Galicia
CONSELLERÍA DA PRESIDENCIA, RELACIÓNS INSTITUCIONAIS
E ADMINISTRACIÓN PÚBLICA