Eu, Jaime Balado Yáñez, secretario do Xulgado do Social número dous da Coruña, dou fe e testemuño de que nos autos seguidos ante este xulgado tramitados co número 544/2002 contra as empresas Naviera Resmar, S.A. e Copeimex, S.L. sobre xubilación, dictouse a seguinte sentencia:

Sentencia. A Coruña, 11 de decembro de 2002.

Jorge Hay Alba, maxistrado-xuíz do social número dous desta cidade, viu os presentes autos de xuízo 544/2002, seguidos por instancia de Ramón Moscoso Pardo, maior de idade, asistido polo letrado Francisco Varela Míguez, contra o Instituto Social da Mariña, representado e asistido pola letrada Belén

Guerra Díaz, a Tesourería Xeral da Seguridade Social que non compareceu nos autos e as empresas Naviera Resmar, S.A. e Copeimex, S.L. que non compareceron nos autos, sendo o obxecto da reclamación de xubilación.

Seguen feitos e fundamentos xurídicos.

Decido que acepto a demanda interposta por Ramón Moscoso Pardo contra o Instituto Social da Mariña e as empresas Naviera Resmar, S.A. e Copeimex, S.L. e declaro que o actor ten dereito a percibir unha pensión do 100% da base reguladora de 1.128,05 euros cos efectos 20-9-2001, na contía e forma regulamentaria e cos incrementos, melloras e revalorizacións correspondentes, e condeno as entidades demandadas a estar pola devandita declaración e ó ISM a efectua-lo aboamento e a responsabilidade empresarial de Naviera Resmar, S.A. e Copeimex, S.L.

Notifíqueselles esta resolución ás partes ás que se fará saber que contra ela non cabe recurso ningún.

Así, por esta miña sentencia definitivamente xulgando en primeira instancia pronúncioo, mándoo e asínoo.

E para que sirva de notificación ás empresas Naviera Resmar, S.A. e Copeimex, S.L. mediante a súa publicación no Diario Oficial de Galicia, expido e asino na Coruña o 11 de decembro de 2002.

O secretario xudicial

Rubricado