Eu, Agustín Ignacio Pena López, secretario do Xulgado do Social número un da Coruña, fago saber que nos autos número 622/2002, seguidos pola instancia de Ovidio López Fernández contra a empresa Construcciones Fergama, S.L., sobre reclamación de cantidades, a maxistrada-xuíza deste xulgado, Isabel Olmos Parés, dictou sentencia, con data do 2 de decembro de 2002, coa seguinte parte dispositiva:
Que, estimando a demanda presentada por Ovidio López Fernández, debo declarar e declaro o dereito do actor a percibi-la cantidade de 5.399,98 euros polos conceptos que se expresan no feito probado segundo desta resolución e nese sentido debo condenar e condeno a empresa Construcciones Fergama, S.L. a que estando e pasando por tal declaración aboe ó actor a cantidade de 5.399,38 euros en concepto de salarios e liquidación.
Notifíqueselles esta sentencia ás partes, ás que se fará saber que, en contra da dita sentencia cabe o recurso de suplicación, que deberá de anunciarse perante este xulgado no prazo de cinco días, contados desde a notificación desta sentencia, por comparecencia, ou por escrito das partes, ó seu avogado ou representante legal, designando o letrado que deberá de presentalo; é posible o anuncio por mera manifestación daquela ó ser notificada, e que será resolto, se é o caso, e cumpridos os trámites legais, pola Sala do Social do Tribunal Superior de Xustiza de Galicia. A empresa condenada deberá, así mesmo, acreditar ó anuncia-lo recurso ter consignado o importe da condena na conta de consignacións deste xulgado, aberta no BBV, conta nº 5602-60, e que pode substituírse polo aseguramento mediante aval bancario, constando a responsabilidade solidaria do avalista, máis outra cantidade de 150,25 euros na mesma conta e en calidade de depósito nun impreso separado ó do importe da condena.
Así, por esta miña sentencia, pronúncioo, mándoo e asínoo».
E para que lle sirva de notificación a Construcciones Fergama, S.L. que tivo o seu último enderezo coñecido en r/ Francisco Cavira, 41, A Coruña, e que na actualidade se descoñece, e co fin da súa publicación no Diario Oficial de Galicia, expido e asino este edicto na Coruña, 2 de decembro de 2002.
O secretario xudicial
Rubricado
