De conformidade co disposto no artigo 48.2º da Lei 1/1997, do 24 de marzo, do solo de Galicia, faise público que o Pleno, en sesión que tivo lugar o 9 de novembro de 2002, acordou non aprobar definitivamente o Plan Parcial SUR-1 (polígono industrial Santa María de Liñares), tramitada por instancia de Áridos Chan de Salgosa, S.L. nin a modificación do sistema de actuación do dito polígono.

Contra o dito acordo, definitivo en vía administrativa, poderanse interpoñe-los recursos que seguen:

a) Potestativo de reposición ante o Pleno deste concello, no prazo dun mes a partir do día seguinte ó da publicación deste anuncio.

b) Contencioso-administrativo, no prazo de dous meses contados desde o día seguinte ó desta publicación, ante o Tribunal Superior de Xustiza de Galicia. Sen embargo, interposto o recurso de reposición, non poderá interpoñerse o recurso contencioso-administrativo ata que sexa resolto expresamente o primeiro ou se produza a súa desestimación presunta polo transcurso do prazo dun mes para dictar e notifica-la resolución.

c) Calquera outro recurso que se considere procedente.

As Neves, 15 de novembro de 2002.

Raúl Emilio Castro Rodríguez

Alcalde-presidente