a) O grupo empresarial Ence, S.A., de conformidade co artigo 114 do Real decreto 1471/1989, polo que se aproba o Regulamento xeral de execución da Lei de costas, solicita renovación da autorización

para o vertido dun caudal máximo de 40.280 m/día de augas residuais á ría de Pontevedra, procedentes das súas instalacións industriais sitas na marisma de Lourizán, concello de Pontevedra.

As augas residuais industriais serán tratadas, antes do seu vertido, nos seguintes sistemas de depuración:

* Pretratamento mediante desbaste e peneirado (3 mm).

* Sistema biolóxico de tratamento por oxidación mediante lamas activadas en dúas etapas: selector (1.420 m) - reactor (18.870 m).

* Clarificación mediante dous decantadores secundarios de 1.950 m de superficie cada un deles.

* Balsa de emerxencia, con capacidade de 10.000 m.

* Tratamento de lamas: espesador provisto de axitador e sistema de brazos rascadores xunto con deshidratación nun filtro banda e centrífuga en paralelo. En ámbolos casos engadirase polieliectrolito para favorece-lo proceso.

* Dúas balsas de seguridade e regulación previas ó vertido, de 7.882 m e 25.700 m respectivamente.

* As augas residuais, tralo seu tratamento son vertidas á ría de Pontevedra, xuntamente coas augas residuais da EDAR dos Praceres a través dun emisario submarino que consta das seguintes características:

* Material: polietileno de alta densidade (HDPE).

* Diámetro: 1.200 mm.

* Lonxitude do tramo mariño: 2.794 m.

* Difusores: 87 boquillas separadas 5,75 m.

As coordenadas UTM do punto de vertido á ría de Pontevedra a través do emisario submarino, son as seguintes: X=523.570; Y=4.695.247.

b) Por outra parte, e de acordo co disposto no Real decreto lexislativo 1302/1986, modificado pola Lei 6/2001, grupo empresarial Ence, S.A. está a tramitar perante a Dirección Xeral de Calidade e Avaliación Ambiental o estudio de impacto ambiental do devandito proxecto da planta de tratamento de efluentes. Nese procedemento acordouse con data do 15 de novembro de 2002 a aplicación da tramitación de urxencia.

O que se fai público para xeral coñecemento e para os efectos de ámbolos dous procedementos por un prazo de vinte (20) días, contados a partir do día seguinte á data da publicación no Diario Oficial de Galicia deste anuncio, co fin de que os que se consideren interesados poidan presenta-las súas reclamacións, durante o prazo sinalado, no Concello de Pontevedra, nas oficinas do organismo autónomo Augas de Galicia da Consellería de Medio Ambiente sitas na praza Camilo Díaz Baliño de Santiago de Compostela e no Servicio Territorial Sur de Augas

de Galicia sito na r/ Urzáiz, 18-3º, Vigo, onde se atopa exposta a documentación técnica correspondente para que poida ser examinada por quen desexe.

Santiago de Compostela, 9 de xaneiro de 2003.

Antonio N. López Grueiro

Xefe do Servicio de Vertidos