O Consello da Xerencia Municipal de Urbanismo, en sesión do 28 de novembro de 2002, adoptou, entre outros, o seguinte acordo:

Primeiro.-Aprobar inicialmente, coas finalidades sinaladas na parte expositiva do presente acordo, a delimitación dun polígono de 3.195,82 m de superficie, entre as rúas San Xoán e Padre Celso, integrado polas parcelas que se citan no anexo.

Segundo.-Aprobar inicialmente a determinación do sistema de compensación como sistema de actuación no polígono que se vai delimitar.

Terceiro.-Sométase o expediente a información pública na forma legalmente prevista, xustificada que sexa a condición de propietarios dos que figuran como tales no expediente e notifíqueselles a estes o presente acordo.

O trámite de información pública será establecido polo prazo de vinte días contados desde o seguinte ó da publicación no DOG. A documentación atópase na oficina de información da Xerencia Municipal de Urbanismo ó dispor do público, planta baixa do edificio da xerencia.

O presente anuncio servirá de notificación nos termos do artigo 59 da Lei de réxime xurídico das

administracións públicas e do procedemento administrativo común para tódolos propietarios e interesados directamente afectados que, por resultaren descoñecidos ou ignorando o seu enderezo, non poidan ser notificados persoalmente.

Vigo, 5 de decembro de 2002.

Lois Pérez Castrillo

Alcalde presidente da Xerencia Municipal

de Urbanismo