O Pleno do Concello de Santiago de Compostela, en sesión do 31 de outubro de 2002, aprobou defi
nitivamente a modificación puntual do Plan Xeral de Ordenación Urbana (PXOU) nos ámbitos do solo urbanizable non programado número 11 (SUNP-11)-O Castiñeiriño, número 12 (SUNP-12)-Lamas de Abade e número 36 (SUNP-36)-A Pulleira, redactada polos servicios técnicos municipais.
De conformidade co disposto no artigo 48.2º da Lei do solo de Galicia, publicouse no BOP número 288, do 17 de decembro de 2002, o texto íntegro da normativa.
Contra o acordo de aprobación definitiva poderase interpoñer directamente recurso contencioso-administrativo ante o Tribunal Superior de Xustiza de Galicia no prazo de dous meses, contados a partir do día seguinte ó da publicación deste anuncio; alternativamente, poderá interpoñerse recurso potestativo de reposición ante o Pleno do Concello no prazo dun mes, contado desde a mesma data.
De conformidade co previsto no artigo 107.3º da Lei 30/1992, do 26 de novembro, de réxime xurídico das administracións públicas e do procedemento administrativo común, a normativa urbanística ou ordenanzas reguladoras só se poderán impugnar directamente perante o Tribunal Superior de Xustiza de Galicia no prazo de dous meses, contados a partir do día seguinte ó da publicación deste anuncio.
Santiago de Compostela, 17 de decembro de 2002.
Xosé A. Sánchez Bugallo
Alcalde