En cumprimento do disposto no artigo 4 do Real decreto 873/1977, do 22 de abril, de desenvolvemento da Lei 19/1977, do 1 de abril, e para os efectos previstos nel, faise público que no correspondente servicio desta dirección xeral foron depositados a acta de constitución e os estatutos da Asociación de Profesionais de Centros de Maiores de Galicia (Procem), que ten os seguintes ámbitos:

Territorial: Comunidade Autónoma de Galicia.

Profesional: poderán pertencer á devandita asociación tódolos profesionais de calquera área de traballo ou categoría profesional que realicen ou realizasen a súa actividade profesional en residencias, centros de día ou vivendas tuteladas para persoas maiores da Comunidade Autónoma de Galicia.

Asinan a acta de constitución: Rocío Carbón Sueiro e sete persoas máis.

Santiago de Compostela, 27 de novembro de 2002.

Pilar Cancela Rodríguez

Directora xeral de Relacións Laborais