De conformidade co disposto na base común 8, epígrafe 4 da orde desta consellería do 16 de xullo de 2002 (DOG do 2 de setembro) pola que se convocaba procedemento selectivo de acceso ó corpo de profesores de ensino secundario, quenda especial, na especialidade de psicoloxía e pedagoxía, quenda especial, esta consellería

DISPÓN:

Primeiro.-Facer pública no anexo da presente orde, a relación de aspirantes que superaron o procedemento selectivo de acceso ó corpo de profesores de ensino secundario, na especialidade de psicoloxía e pedagoxía, quenda especial.

Segundo.-Os opositores aprobados deberán presentar ante a Consellería de Educación e Ordenación Universitaria, se non os tiveran xa presentados, a documentación que se relaciona na base común 9 da Orde do 16 de xullo de 2002, no prazo de 20 días naturais contados desde o día seguinte ó da publicación desta orde.

Terceiro.-Para os efectos da mobilidade e da carreira docente previstas nas disposicións adicionais novena e décimo primeira da Lei orgánica 10/2002, do 23 de decembro, de calidade da educación, ós aspirantes que superaron este procedemento selectivo e que están incluídos nas sentencias da sala do contencioso-administrativo do Tribunal Superior de Xustiza de Galicia números 861/1990, do 1 de setembro e 495/1993, do 29 de xullo, computaráselles a antigüidade no corpo de profesores de ensino secundario desde a data na que se fixo efectiva a correspondente sentencia.

Cuarto.-Os participantes nestes procedementos selectivos poderán retira-la documentación presentada, eles mesmos ou por medio de persoa autorizada, no Servicio do Profesorado de Ensinanzas Secundaria, Formación Profesional e de Réxime Especial desta consellería (San Caetano- Santiago de Compostela), no prazo dun mes contado a partir de trascorridos dous meses desde a publicación da presente orde.

Disposición adicional

O establecido no punto terceiro desta orde resultará de aplicación ós funcionarios do corpo de mestres incluídos nas sentencias referidas que accederon ó corpo de profesores de ensino secundario,

na especialidade de psicoloxía e pedagoxía, con anterioridade á convocatoria realizada pola Orde do 16 de xullo de 2002.

Santiago de Compostela, 14 de xaneiro de 2003.

Celso Currás Fernández

Conselleiro de Educación e Ordenación Universitaria

ANEXO