Con data 11 de xuño de 2002 a Consellería de Economía e Facenda recibe documentación remitida pola Consellería de Educación e Ordenación Universitaria de doazón feita por Miguel Ángel Failde Bermejo de obras de arte de Antonio Failde para a Escola de Artes de Ourense.
A Secretaría Xeral e do Patrimonio tramitou o expediente de aceptación, logo do informe favorable da Comisión Superior de Valoración de Bens Culturais de Interese para Galicia, de conformidade co establecido nos artigos 17 da Lei 3/1985, do 12 de abril, do patrimonio da Comunidade Autónoma galega, e 34 do seu regulamento aprobado polo Decreto 50/1989, do 9 de marzo.
Na súa virtude, por proposta do conselleiro de Economía e Facenda, nos termos establecidos polo doador e logo de deliberación do Consello da Xunta de Galicia na súa reunión do día dezanove de decembro de dous mil dous,
DISPOÑO:
Artigo único.
1. Acepta-la doazón feita por Miguel Ángel Failde Bermejo de obras de arte de Antonio Failde que a continuación se relacionan:
a) Adán y Eva, granito, 180x180x20 cm.
b) 6 debuxos do mesmo autor:
-Pareja.
-Maternidad (carbón).
-Juegos (carbón).
-Mujer (sanguina).
-Bajo el sol (conté e carbón).
-Escultor (tinta chinesa/gouache).
2. A Consellería de Economía e Facenda, a través da Secretaría Xeral e do Patrimonio, levará a cabo tódolos trámites para a efectividade deste decreto.
Santiago de Compostela, dezanove de decembro de dous mil dous.
Manuel Fraga Iribarne
Presidente
José Antonio Orza Fernández
Conselleiro de Economía e Facenda