Eu, Jaime Balado Yáñez, secretario xudicial do Xulgado do Social número dous da Coruña, dou fe e testemuño que nos autos seguidos perante este Xulgado do Social, tramitados baixo o número 799/2002 e 870/2002 acumulado contra Panaderas Comunicaciones, S.L. sobre despedimento, se dictou a seguinte sentencia:
«Sentencia.-A Coruña, 10 de decembro de 2002.
Jorge Hay Alba, maxistrado-xuíz do Social número dous desta cidade, viu estes autos de xuízo número 799/2002 e 870/2002 acumulado, seguidos por instancia de José M. Barros González, Eva María Rodríguez Botana e Francisca López Montes, maiores de idade, asistidos polo letrado José Páramo Sureda, contra a empresa Panaderas Comunicaciones, S.L., que non compareceu nos autos, e intervindo o Fondo de Garantía Salarial, representado e asistido pola letrada Enma Pérez Díez del Corral, e a reclamación, despedimento.
Seguen feitos e fundamentos xurídicos.
Decido que debo acolle-la demanda interposta polos demandantes, debo declarar e declaro improcedente o despedimento efectuado pola empresa Panaderas Comunicaciones, S.L. e extinguida a relación laboral na data desta resolución, e condeno a empresa a que lles aboe ós demandantes a seguinte cantidade en concepto de indemnización: a José M. Barros González 2.762,45 euros; a Eva María Rodríguez Botana 1.077,33 euros, e a Francisca López Montes, 2.597,63 euros.
Notifíqueselles esta resolución ás partes, ás que se fará saber que contra ela só cabe recurso de suplicación ante o Tribunal Superior de Xustiza de Galicia, anunciándose ante este xulgado no prazo de cinco días contados a partir da notificación desta sentencia; e no propio termo, se o recorrente non goza do beneficio da xustiza gratuíta, deberá ó anuncialo, entrega-lo xustificante acreditativo de consignación da cantidade obxecto da condena na conta de depósitos e consignacións que este xulgado ten aberta no BBV desta cidade co número de conta 5603, clave 60, facendo constar no ingreso o número do expediente.
E, así mesmo, deberá, no momento de interpo-lo recurso, consigna-la cantidade de 25.000 pesetas en concepto de depósito na clave 65 da citada conta e expediente.
Así, por esta miña sentencia, definitivamente xulgando en primeira instancia, pronúncioo, mándoo e asínoo».
E para que lle sirva de notificación á empresa Panaderas Comunicaciones, S.L. que ten o seu enderezo descoñecido, mediante a súa publicación no Diario Oficial de Galicia, expido e asino esta cédula na Coruña o 10 de decembro de 2002.
O secretario xudicial
Rubricado