Publicada a lista provisional e resoltas as reclamacións ás puntuacións, procede publica-lo baremo definitivo no taboleiro de anuncios da Consellería

de Educación e Ordenación Universitaria e nas delegacións provinciais, así como na páxina web desta consellería.

En consecuencia, esta dirección xeral resolve:

Primeiro.-Facer público na Consellería de Educación e Ordenación Universitaria, nas delegacións provinciais e na páxina web desta consellería, as puntuacións definitivas do baremo para prazas de interinidade e substitucións en especialidades do corpo de profesores de música e artes escénicas nas especialidades de acordeón, fagot, guitarra, fundamentos de composición, historia da música, percusión e violonchelo.

Segundo.-Contra estas puntuacións definitivas poderá interpoñerse recurso de alzada no prazo dun mes, a partir do día seguinte ó da publicación deste anuncio no Diario Oficial de Galicia, ante o conselleiro de Educación e Ordenación Universitaria.

Santiago de Compostela, 23 de decembro de 2002.

Severino Somoza Gómez

Director xeral de Persoal